دل ہُوا جس وقت یک سُو، جب بھی تنہائی مِلی
ہم کو محبوبِؐ خدا کی جلوہ آرائی مِلی
Dil huwa jis waqt yak soo, jab bhi tanhaai mili
Hum ko mehboob-e-ؐ Khuda ki jalwa aarai mili
سلسبیل و کوثر و تسنیم، مولا کا کرم
ہر قدم پر حشر میں ہم کو پذیرائی مِلی
Salsabeel o Kausar o Tasneem, Maula ka karam
Har qadam par Hashr mein hum ko pazeerai mili
آنکھ کھولی تھی جنہوں نے شرک کے ماحول میں
ایسے اندھوں کو بھی اُن کے درے بینائی مِلی
Aankh kholi thi jinon ne shirk ke mahol mein
Aise andhon ko bhi un ke darre beenai mili
ہو سکی حاصل نہ جس کو نسبتِ خیرالورٰیؐ
دو جہاں میں اُس سِیہ قسمت کو رُسوائی مِلی
Ho sakki hasil na jis ko nisbat-e-khair-ulwaraؐ
Do jahan mein us siyah qismat ko ruswaai mili
اللہ اللہ، یہ نگاہِ مصطفےٰؐکا معجزہ
سنگ ریزے بول اُٹّھے، اُن کو گویائی مِلی
Allah Allah, ye nigah-e-Mustafaؐ ka mojza
Sang reze bol utthe, un ko goyaai mili
اُن کے صدقے میں ملا کیا کچھ نہ خالق سے ہمیں
علم و حکمت ہاتھ آئے فہم و دانائی مِلی
Un ke sadqe mein mila kya kuch na Khaliq se humein
Ilm o hikmat haath aaye feham o danai mili
ہم ہُوئے کچھ اور گُم اُن کے تصور میں نصیرؔ
جس گھڑی فرصت مِلی، جس وقت تنہائی مِلی
Hum hue kuch aur gum un ke tasawwur mein Nasirؔ
Jis ghadi fursat mili, jis waqt tanhaai mili
Share This Naat
Share with friends and family
دل ہُوا جس وقت یک سُو
سید نصیرالدیں نصیر