مدینے پہ یہ دِل فِدا ہو رہا ہے یہ رحمت نہیں ہے تو پھر اَور کیا ہے
تِرا نام لے لے کے ہم جی رہے ہیں عبادت نہیں ہے تو پھر اَور کیا ہے
Madine pe ye dil fida ho raha hai ye rehmat nahi hai to phir aur kya hai
Tera naam le le ke hum ji rahe hain ibadat nahi hai to phir aur kya hai
گنہگار پروہ کرم کر رہے ہیں بِھکاری کا اپنے بھرم رکھ رہے ہیں
شفیعِ دو عالم کی ہم عاصیوں پر عنایت نہیں ہے تو پھر اَور کیا ہے
Gunehgar par wo karam kar rahe hain bhikari ka apne bharam rakh rahe hain
Shafi' do aalam ki hum aasion par inayat nahi hai to phir aur kya hai
گیا جو بھی منگتا تہی دست در پر دو عالم کی نعمت وہ آیا ہے لیکر
بدلتے ہیں طیبہ میں سَب کے مقدر سخاوت نہیں ہے تو پھر اَور کیا ہے
Gaya jo bhi mangta tehi dast dar par do aalam ki ni'mat wo aaya hai lekar
Badalte hain Tayyaba mein sab ke muqaddar sakhaawat nahi hai to phir aur kya hai
تصدّق کروں جان قرباں کروں دلِ وہی ہیں مِری آرزؤں کا حاصل
جِسے اہلِ دِل کہہ رہے ہیں مدینہ وہ جنت نہیں ہے تو پھر اَور کیا ہے
Tasaddaq karoon jaan qurbaan karoon dil wohi hain meri arzoon ka hasil
Jise ahl-e-dil keh rahe hain Madina woh jannat nahi hai to phir aur kya hai
کِسی شے کی مجھ کو ضرورت نہیں ہے یہ ہے سیر چشمی قناعت نہیں ہے
مِرے دل میں ہے جاگزیں انکی الفت یہ دَولت نہیں ہے تو پھر اَور کیا ہے
Kisi shai ki mujh ko zaroorat nahi hai ye hai sair chashmi qana'at nahi hai
Mere dil mein hai jaagazeen unki ulfat ye dolat nahi hai to phir aur kya hai
بلا لو گنہگار خالدؔ کو در پر کرم ہو کرم ہو کرم بنَدہ پَرور!
مِرے واسطے یہ جُدائی کا اک پل قیامت نہیں ہے تو پھر اَور کیا ہے
Bula lo gunehgar Khalid ko dar par karam ho karam ho karam Benda Parwar!
Mere wastay ye judai ka ik pal qayamat nahi hai to phir aur kya hai
Share This Naat
Share with friends and family
مدینے پہ یہ دِل فِدا ہو رہا ہے
خالد محمود خالد