کب ہوگی زیارت کب دن آئے گا محشر کا
پردہ رخِ انور سے للہ ذرا سر کا
Kab hogi ziarat kab din aayega mahshar ka
Parda rukh-e-anwar se lillah zara sar ka
معطی ہے خدا ، قاسم سرکارِ دو عالم ہیں
ملتا ہے اسی در سے جو کچھ ہے مقدر کا
Mu'ti hai Khuda, Qasim Sarkar-e-do Alam hain
Milta hai isi dar se jo kuch hai muqaddar ka
والشمس ترا چہرا مازاغ تری آنکھیں
واللہ نہیں کوئی دنیا میں برابر کا
Walshams tera chehra mazaagh teri aankhein
Wallah nahi koi duniya mein barabar ka
ہم آپ کی سنت پر کرتے ہیں عمل کتنا
آتا ہے خیال آقا جب آپ کے بِستر کا
Hum aap ki sunnat par karte hain amal kitna
Aata hai khayal aaqa jab aap ke bistar ka
جز اس کے زمانے میں چارہ ہی نہیں کوئی
در اُن کا پکڑ ناداں ہو جائے نہ در در کا
Juz is ke zamane mein chara hi nahi koi
Dar un ka pakad nadan ho jaye na dar dar ka
مشکل میں نہیں رہتا خوشیوں میں گزرتی ہے
بدحال نہیں رہتا حال ان کے ثناگر کا
Mushkil mein nahi rehta khushiyon mein guzarti hai
Badhal nahi rehta haal un ke sanagar ka
ایمان کی پوچھو تو ہے بات شفیقؔ اتنی
صدقہ مِرے دامن میں ہے نعتِ پیمبر کا
Imaan ki poochho to hai baat Shafiq itni
Sadqa mere daman mein hai naat-e-Peyamber ka
Share This Naat
Share with friends and family
کب ہوگی زیارت کب دن آئے گا محشر کا
شفیق ؔ رائے پوری