ہر شے میں ہے نورِ رُخِ تابانِ محمّدؐ
ہر پھول میں خوشبوئے گلستانِ محمّدؐ
Har shai mein hai noor-e-ruKh-e-tabani-e-Muhammadؐ
Har phool mein khushboo-e-gulistan-e-Muhammadؐ
اللہ نے محبوب کو بے مثل بنایا
ممکن ہی نہیں ہو کوئی ہمشانِ مُحمّدؐ
Allah ne Mehboob ko be-misl banaya
Mumkin hi nahi ho koi humshaan-e-Muhammadؐ
آسکتا ہے کب ہم سے گنواروں کو وہ ادب
جیسا کہ اَدب کرتے تھے یارانِ مُحمّدؐ
Aasakta hai kab hum se ganwaron ko woh adab
Jaisa ke adab karte the yaraan-e-Muhammadؐ
وہ دل ہی نہیں جو نہ جھکے سُوئے مدینہ
وہ سر ہی نہیں جو نہ ہو قربانِ مُحمّدؐ
Woh dil hi nahi jo na jhukay soot-e-Madina
Woh sar hi nahi jo na ho qurbaan-e-Muhammadؐ
اعداء کی شقاوت کہ ہوئے آپؐ کے منکر
اور سنگ و شجر تابعِ فرمانِ مُحمّدؐ
A'daa ki shaqawat ke huye aapؐ ke munkir
Aur sang o shajar taa'be-e-farmaan-e-Muhammadؐ
محبوبِ خدا حاکِم مخلوقِ اِلٰہی
مخلوقِ خُدا تابعِ فرمانِ مُحمّدؐ
Mehboob-e-Khuda hakem makhlooq-e-ilahi
Makhlooq-e-Khuda taa'be-e-farmaan-e-Muhammadؐ
تفسیر نے لَوْ لَا کَ لَمَا کی یہ پکارا
وہ کون ہے جس پر نہیں احسانِ مُحمّدؐ
Tafseer ne lo la k lama ki yeh pukara
Woh kaun hai jis par nahi ehsaal-e-Muhammadؐ
عشّاق سمجھتے ہیں اُسے گلشنِ جنّت
کہتے ہیں جسے لوگ بیابانِ مُحمّدؐ
Aashiq samjhte hain usey gulshan-e-jannat
Kehte hain jisey log bylaan-e-Muhammadؐ
چلتا ہے جو زائر تو یہ کہتے ہیں فرشتے
دیکھو وہ چلا آتا ہے مہمانِ مُحمّدؐ
Chalta hai jo za'ir to yeh kehte hain farishte
Dekho woh chala aata hai mehmaan-e-Muhammadؐ
شیروں پہ شرف رکھتے ہیں دربار کے کتے
شاہوں سے بھی بڑھ کر ہیں گدایانِ مُحمّدؐ
Sheer-o pe sharaf rakhte hain darbaar ke kutte
Shahon se bhi barh kar hain gadyan-e-Muhammadؐ
کیا پو چھتے ہو مجھ سے نکیرین لحد میں
لو دیکھ لو دِل چِیر کے اَرمانِ مُحمّدؐ
Kya poochhte ho mujh se nakireen lahd mein
Lo dekh lo dil chear ke armaan-e-Muhammadؐ
قیدی کو چھڑا دیتا ہے اِک اُن کا اِشارہ
مجرم کو چھپا لیتا ہے دامانِ مُحمّدؐ
Qaidi ko chhura deta hai ik un ka ishaara
Mujrim ko chhupa leta hai daaman-e-Muhammadؐ
ہم جائیں گے فردوس میں رضواں سے یہ کہہ کر
روکو نہ ہمیں ہم ہیں غلامانِ مُحمّدؐ
Hum jayenge firdous mein rizwaan se yeh keh kar
Roko na humein hum hain ghulaman-e-Muhammadؐ
تو صیف و ثنا لکھے جمیؔل ِ رضوی کیا
جب صانع مطلق ہے ثنا خوانِ مُحمّدؐ
Tosif o sana likhay Jamiؔl-e-Rizvi kya
Jab saane' mutlaq hai sana khwan-e-Muhammadؐ
Share This Naat
Share with friends and family
ہر شے میں ہے نورِ رُخِ تابانِ محمّدؐ
مولانا جمیل الرحمان رضوی