جب اتار دیتا ہوں، حرفِ نعت کاغذ پر
جھوم جھوم جاتی ہے، کائنات کاغذ پر
Jab utaar deta hun, harf-e-naat kaaghaz par
Jhoom jhoom jaati hai, kainaat kaaghaz par
زلفِ معتبر کی لٹ، شعر میں رقم کر دی
ہو گئی فدا یکسر، کالی رات کاغذ پر
Zulf-e-moatabar ki laT, she'r mein raqam kar di
Ho gayi fida yaksar, kaali raat kaaghaz par
شکر بے عدد یا رب، بارگاہِ مدحت میں
بار بار جھکتا ہے، میرا ہات کاغذ پر
Shukar be-adad ya Rab, bargah-e-mad'hat mein
Baar baar jhukta hai, mera haat kaaghaz par
کس قدر کیا ہم نے، ذکرِ سرورِ عالم
قدسیوں نے لکھی ہے، ساری بات کاغذ پر
Kis qadr kiya hum ne, zikr-e-sarwar-e-aalam
Qudsiyon ne likhi hai, saari baat kaaghaz par
اذنِ نعت فرما کر، آپ نے کیے آقا
لطفِ خاص خامہ پر، التفات کاغذ پر
Izn-e-naat farma kar, aap ne kiye aaqa
Lutf-e-khaas khama par, iltifaat kaaghaz par
سیرتِ محمدﷺ کا، تذکرہ کیا میں نے
منکشف ہوئے سارے، معجزات کاغذ پر
Seerat-e-Mohammad ﷺ ka, tazkira kiya main ne
Munkashif huye saare, mojizaat kaaghaz par
بعدِ مرگ مالک نے، پوچھنا ہے کیا لائے
شعر لکھ کے دیدوں گا، پانچ سات کاغذ پر
Ba'ad-e-marg maalik ne, poochhna hai kya laaye
She'r likh ke deedun ga, paanch saat kaaghaz par
Share This Naat
Share with friends and family
جب اتار دیتا ہوں، حرفِ نعت کاغذ پر
اشفاق احمد غوری