رحمت کی برستی بارش میں انسان پیاسا رہ جاتا
تجھ سے نہ محبت ہوتی تو ایمان پیاسا رہ جاتا
Rahmat ki barasti barish mein insaan piyaasa reh jata
Tujh se na mohabbat hoti to imaan piyaasa reh jata
والّیل کی میٹھی باتیں بھی محرومِ سماعت ہو جاتیں
تعریف نہ ہوتی گر تیری قرآن پیاسا رہ جاتا
Wal-lail ki meethi baatein bhi mahrum-e-samaat ho jaatein
Tareef na hoti gar teri Quran piyaasa reh jata
طیبہ میں ترے گر قدموں کی آہٹ نہ سُنائی دے جاتی
سینوں میں تمنّا کا اُٹھتا طوفان پیاسا رہ جاتا
Taybah mein teray gar qadmon ki aahat na sunai de jaati
Seeno mein tamanna ka uthta toofan piyaasa reh jata
ہر بات ادھوری رہ جاتی ہونٹوں پہ دو عالم کے آخر
دارین کی زیب و زینت کا سامان پیاسا رہ جاتا
Har baat adhoori reh jaati honton pe do alam ke aakhir
Dareen ki zaib o zeenat ka saamaan piyaasa reh jata
اَسریٰ کے مسافر کا سایہ پڑتا نہ اگر اس دنیا میں
انسان کی عظمت کا ہر اِک عنوان پیاسا رہ جاتا
Asra ke musafir ka saaya parta na agar is duniya mein
Insaan ki azmat ka har ik unwaan piyaasa reh jata
معراج کی شب کے دامن کو بھرتے نہ فرشتے خوشبو سے
کونین سجانے والے کا ارمان پیاسا رہ جاتا
Meraaj ki shab ke daman ko bhartay na farishtay khushbu se
Konain sajaane walay ka armaan piyaasa reh jata
پتھر نہ چمکتے گلیوں کے ، تعظیم نہ بڑھتی غاروں کی
ہر شخص کی بخشش کا ہراِک امکان پیاسا رہ جاتا
Pathar na chamakte galiyon ke, taazeem na barhti gharoron ki
Har shakhs ki bakhshish ka har ik imkaan piyaasa reh jata
کوثر پہ کھڑے ہو کر مدنی ساغر نہ پلاتے گر انجؔم
اُس وادئ محشر کا ہر اِک مہمان پیاسا رہ جاتا
Kausar pe kharay ho kar madni saghar na pilate gar Anjam
Us wadi-e-mahshar ka har ik mehman piyaasa reh jata
Share This Naat
Share with friends and family
رحمت کی برستی بارش میں انسان پیاسا رہ جاتا
انجم نیازی