خدا نے اس قدر اُونچا کیا پایہ محمد کا
نہ پہچانا کسی نے آج تک رُتبہ محمد کا
Khuda ne is qadar ooncha kiya paya Muhammad ka
Na pehchana kisi ne aaj tak rutba Muhammad ka
بحکم حق اُترتے ہیں فرشتے خاص رحمت کے
کیا کرتے ہیں جب اَہلِ سنن چرچا محمد کا
Bahakm Haq utarte hain farishte khaas rehmat ke
Kya karte hain jab Ahl-e-Sunan charcha Muhammad ka
تعجب کیا اگر انساں گزارے عمر مدحت میں
ثنا خواں ہے دوعالم میں ہر اِک ذَرَّہ محمد کا
Tajub kya agar insaan guzare umr mad'hat mein
Sana khwan hai do aalam mein har ik zarrah Muhammad ka
سیہ کاروں کی کیا گنتی کہ دَرگاہِ الٰہی میں
وسیلہ ڈھونڈتے ہیں حضرتِ موسیٰ محمد کا
Siyah karo ki kya ginti ke Dargah-e-Ilahi mein
Waseela dhoondte hain Hazrat-e-Musa Muhammad ka
عدیم المثل و لاثانی ہے وہ ذاتِ مبارک یوں
بنایا ہی نہیں اللہ نے سایہ محمد کا
A'deem ul misaal o laasani hai woh zaat-e-mubarak yun
Banaya hi nahi Allah ne saaya Muhammad ka
بڑھی جب ظلمتِ کفر و ضلالت بزمِ دنیا میں
تو روشن کر دیا اللہ نے اِکا محمد کا
Barhi jab zulmat-e-kufr o zalalat bazm-e-duniya mein
To roshan kar diya Allah ne ika Muhammad ka
کسی تیراک کو اُس کا کنارہ مل نہیں سکتا
کہ جاری بحرِ وحدت سے ہوا چشمہ محمد کا
Kisi tiraak ko us ka kinara mil nahi sakta
Ke jari Bahr-e-Wahdat se hua chashma Muhammad ka
شہنشاہِ مَدینہ بادشاہِ ہفت کشور ہے
ہوا اللہ کی ہر شے پہ ہے قبضہ محمد کا
Shahenshah-e-Madina badshah-e-haft kashwar hai
Hua Allah ki har shay pe hai qabza Muhammad ka
تصدق ایسی رِفعت پر کہ برسوں قبل دنیا میں
سناتے آئے مژدہ حضرتِ عیسی محمد کا
Tasaddaq aisi rifat par ke barson qabal duniya mein
Sunate aaye mujda Hazrat-e-Isa Muhammad ka
نرالی پیاری پیاری روشنی ہے شمع باری میں
کہ ہے سارا زمانہ دِل سے پروانہ محمد کا
Nirali pyari pyari roshni hai sham'a bari mein
Ke hai sara zamana dil se parwana Muhammad ka
مَدینے کے مقدر عرش کی تقدیر پر قرباں
کہاں قسمت کہ اس دل میں ہو کاشانہ محمد کا
Madine ke muqaddar arsh ki taqdeer par qurban
Kahan qismat ke is dil mein ho kaashana Muhammad ka
رَفَعْنَا کا رکھا ہے تاج سر پر حق تعالیٰ نے
پھریرا عرشِ اَعظم پر اُڑا کس کا محمد کا
Rafa'na ka rakha hai taaj sar par Haq Ta'ala ne
Phirera Arsh-e-Azam par uda kis ka Muhammad ka
نہ کیونکر مشک و عنبر مست ہوں گیسو کی خوشبو سے
کہ حق کا دَستِ قدرت ہوگیا شانہ محمد کا
Na kiun kar mushk o anbar mast hon gesu ki khushbu se
Ke Haq ka dast-e-qudrat ho gaya shana Muhammad ka
اَلَمْ نَشْرَحْ لَکَ صَدْرَک سے یوں آواز آتی ہے
کشادہ کر دیا اللہ نے سینہ محمد کا
Alam nashrah laka sadrak se yun awaaz aati hai
Kushadah kar diya Allah ne seena Muhammad ka
بصیرت حق نے دی ہے جن کی آنکھوں کو وہ کہتے ہیں
ہے روشن مہر و مہ سے بڑھ کے ہر ذَرَّہ محمد کا
Basirat Haq ne di hai jin ki aankhon ko woh kehte hain
Hai roshan mehr o mah se barh ke har zarrah Muhammad ka
خرابی آنکھ کی ہے گر نہ دیکھے اُن کے جلوے کو
کہ عالم میں کسی سے بھی نہیں پردہ محمد کا
Kharabi aankh ki hai gar na dekhe un ke jalo ko
Ke aalam mein kisi se bhi nahi parda Muhammad ka
بلا وَصل نبی وَصل الٰہی غیر ممکن ہے
خدا کے گھر پہنچنے کو ہے دروازہ محمد کا
Bila wasl nabi wasl elahi ghair mumkin hai
Khuda ke ghar pohanchne ko hai darwaza Muhammad ka
گنہگاروں کی اس سے مشکلیں آسان ہوتی ہیں
نہ کیونکر سب سے بڑھ کر نام ہو پیارا محمد کا
Gunahgaron ki is se mushkilein aasan hoti hain
Na kyun kar sab se barh kar naam ho pyara Muhammad ka
نہیں ہے جو غلامِ مصطفیٰ بندہ ہے شیطاں کا
وہی ہے بندئہ حق جو ہوا بندہ محمد کا
Nahi hai jo ghulam-e-Mustafa banda hai sheitaan ka
Wohi hai bandah-e-Haq jo hua banda Muhammad ka
جمیلؔ قادری ایسی سنا رنگیں غزل کوئی
کہ بے خود ہو یہاں ہر ایک مستانہ محمد کا
Jameel Qadri aisi sana rangeen ghazal koi
Ke be khud ho yahan har aik mastana Muhammad ka
Share This Naat
Share with friends and family
خدا نے اس قدر اُونچا کیا پایہ محمد کا
جمیل الرحمن قادری