اجالوں کا جہانِ بیکراں یہ پیر کا دن ہے
بہاروں میں بہارِ جاوداں یہ پیر کا دن ہے
Ujalon ka jahan-e-bekaraan ye peer ka din hai
Baharon mein bahar-e-javedaan ye peer ka din hai
درودوں کی سلاموں کی صدائیں ہی صدائیں ہیں
عجب آمد نشاں، حیرت سماں یہ پیر کا دن ہے
Daroodon ki salaamon ki sadaayen hi sadaayen hain
Ajab aamad nishaan, hairat samaan ye peer ka din hai
ابھی تک راستے گلیاں فضائیں سب مہکتی ہیں
تری نسبت سے ہی عنبر فشاں یہ پیر کا دن ہے
Abhi tak raste galiyan fazaayen sab mehakti hain
Teri nisbat se hi anbar fishaan ye peer ka din hai
ابھی تک روشنی ہی روشنی ہے بزمِ امکاں میں
ابھی تک روزِ روشن کا بیاں یہ پیر کا دن ہے
Abhi tak roshni hi roshni hai bazm-e-imkaan mein
Abhi tak roz-e-roshan ka bayaan ye peer ka din hai
ترا خورشید کیا نکلا کہ ظلمت ہو گئی رخصت
اجالوں کا نقیبِ بے گماں یہ پیر کا دن ہے
Tera khursheed kya nikla ke zulmat ho gayi rukh'sat
Ujalon ka naqeeb-e-bay gumaan ye peer ka din hai
پسِ تسبیحِ کُلّ شئ ہر اک ذرّہ ثنا خواں تھا
ظہورِ مصدرِ نطق و بیاں یہ پیر کا دن ہے
Pas-e-tasbeeh-e-kull shai har ek zarra sana khwaan tha
Zahoor-e-masdar-e-nutq o bayaan ye peer ka din hai
زمیں سے آسماں تک نور تھا رونق ہی رونق تھی
اسی جشنِ مسرّت کا نشاں یہ پیر کا دن ہے
Zameen se aasman tak noor tha, ronaq hi ronaq thi
Isi jashn-e-masarrat ka nishaan ye peer ka din hai
خدا کے بعد زیبا ہے تجھے زیبائی یکتائی
یہی اثنَین کی رمزِ نہاں یہ پیر کا دن ہے
Khuda ke baad zeeba hai tujhe zebai yaktai
Yahi asnain ki ramz-e-nihaan ye peer ka din hai
کہی ہے نعت نوری نے بہ پاسِ خاطرِ مقصود
یقیناً نعت کا یومِ جہاں یہ پیر کا دن ہے
Kahi hai naat Noori ne ba paas-e-khaatir-e-maqsood
Yaqeenan naat ka youm-e-jahan ye peer ka din hai
Share This Naat
Share with friends and family
اجالوں کا جہانِ بیکراں یہ پیر کا دن ہے
محمد ظفراقبال نوری