نِشاطِ زندگانی تیرا غم ہے یارسول اللہ
مِرادل رشکِ صدباغ اِرم ہے یار سول اللہ
Nishat-e-zindagani tera gham hai ya Rasul Allah
Mera dil rashk-e-sad bagh-e-iram hai ya Rasul Allah
تمہارے ہجر میں جو آنکھ نم ہے یا رسول اللہ
تمہاری ہی محبت کا کرم ہے یا رسول اللہ
Tumhare hijr mein jo aankh nam hai ya Rasul Allah
Tumhari hi mohabbat ka karam hai ya Rasul Allah
پہنچنا منزلِ مقصود پر مشکل نہیں مجھ کو
مِرار ہبر ترا نقشِ قدم ہے یارسول اللہ
Pehunchna manzil-e-maqsood par mushkil nahin mujhko
Mera rahbar tera naqsh-e-qadam hai ya Rasul Allah
مُعینِ بیکساں تم ہو، مرادِ دُوجہاں تم ہو
تمہاری ذات سرتا پا کرم ہے یا رسول اللہ
Mu'in-e-bekasan tum ho, murad-e-do jahan tum ho
Tumhari zaat sar ta pa karam hai ya Rasul Allah
فقیرِ بے نوا ہوں بے سروساماں ہوں میں لیکن
تمہارے نام سے میرا بھرم ہے یارسول اللہ
Faqir-e-bewana hoon be-sarosamaan hoon main lekin
Tumhare naam se mera bharam hai ya Rasul Allah
وہ کِس کا در ہے تیرا در ہے اے محبوبِ دو عالم
دو عالم کی جبیں جس در پہ خم ہے یارسول اللہ
Woh kis ka dar hai tera dar hai ae mehboob-e-do aalam
Do aalam ki jabeen jis dar pe kham hai ya Rasul Allah
کوئی محروم رہ جائے گدا یہ ہو نہیں سکتا
مُحیطِ دو جہاں تیرا کرم ہے یا رسول اللہ
Koi mehroom reh jaye gada yeh ho nahin sakta
Muheet-e-do jahan tera karam hai ya Rasul Allah
مِرے دل کا جو قبلہ ہے مدینہ ہے مدینہ ہے
بظاہر سامنے بیت الحرم ہے یا رسول اللہ
Mere dil ka jo qibla hai Madina hai Madina hai
Bazahir saamne Bait ul Haram hai ya Rasul Allah
پلا دو شربت دیدار کا اک جام اے آقا
مریض ہجر کا آنکھوں میں دم ہے یا رسول اللہ
Pila do sharbat-e-deedar ka ek jaam ae aaqa
Mareez-e-hijr ka aankhon mein dam hai ya Rasul Allah
یہ مانا بے عمل ہوں میں مگر اے رحمتِ عالم
مِری نسبت ہے تم سے کیا یہ کم ہے یارسول اللہ
Yeh maana be-amal hoon main magar ae rehmat-e-aalam
Meri nisbat hai tum se kya yeh kam hai ya Rasul Allah
ہے بیخود زیر دامانِ کرم یہ آپ کا خالِدؔ
نہ اس کو فِکر ہے کوئی نہ غم ہے یارسول اللہ
Hai Bekhud zer-e-daaman-e-karam yeh aap ka Khalid
Na is ko fikr hai koi na gham hai ya Rasul Allah
Share This Naat
Share with friends and family
نِشاطِ زندگانی تیرا غم ہے یارسول اللہ
خالد محمود خالد