ایہہ منگتے تیرے دَر اُتّے لکّھاں آساں لے کے آئے نیں
تیرے دَر توں چنگیاں مندیاں نے رحمت دے خزانے پائے نیں
Aeh mangte tire dar utte likhaan aasan le ke aaye ne
Tire dar ton changiyan mandiyan ne rehmat de khazane paaye ne
چَھڈ کے سَبھ بُوہے غیراں دے اساں مَلیائے تیرا دروازہ
رَکھ ہَتھ سِراں تے شفقت دا سِرادبوں اساں نوائے نیں
Chhad ke sabh boohe ghairaan de assan maliyae tera darwaza
Rakh hath siraan te shafqat da siradbon assan nawaye ne
سُرتی دے دَندے لے آندا غفلت وِچ ڈُبیّ دُنیا نوں
تُوں حرکت بخشی مویاں نُوں تُوں سُتّے بخت جگائے نیں
Surti de dandey le anda ghaflat vich dubi duniya nu
Tuun harkat bakhshi moyaan nu tuun sutte bakht jagaaye ne
تُوں بن کے بدّل رحمت دا لہندے تے چڑھدے وَس گیا
رنگ تیری رحمت عامہ نے لہندے تے چڑھدے لائے نیں
Tuun ban ke badal rehmat da lehnde te chadhde vas gaya
Rang teri rehmat aama ne lehnde te chadhde laaye ne
دُنیا نوں اگلے بنیاں دی وحدت دے رنگ وِچ رنگیا سی
پر تُوں سُلطان مدینے دے کُجھ وَکھرے رنگ جمائے نیں
Duniya nu agle baniyaan di wahdat de rang vich rangya si
Par tuun sultan madine de kujh wakhre rang jamaaye ne
ربّ تینوں طاقت بخشی اے تائبؔ دی مشکل حل کردے
تری اِک اشارے نے آقاؐ لکّھاں دے کمّ بنائے نیں
Rabb tainu taqat bakhshi ae taib di mushkil hal karde
Teri ik ishare ne aqa lakhha de kam banaye ne
Share This Naat
Share with friends and family
ایہہ منگتے تیرے دَر اُتّے لکّھاں آساں لے کے آئے نیں
حفیظ تائب