رُوح بن کر وسعتِ کونین میں زندہ ہیں آپؐ
صرف ماضی ہی نہیں ہیں حال و آئندہ ہیں آپؐ
Rooh ban kar wusat-e-konein mein zinda hain aapؐ
sirf mazi hi nahi hain hal o ainda hain aapؐ
ہر زمانہ آپؐ سے کرتا رہے گا کسبِ نُور
ردِّ ظلمت کے لئے وہ نقشِ تابندہ ہیں آپؐ
har zamana aapؐ se karta rahe ga kasb-e-nur
radd-e-zulmat ke liye woh naqsh-e-tabinda hain aapؐ
کوئی ہادی اب نہ آئے گا نہ اُترے گی کتاب
حشر تک کے واسطے فرمانِ پائندہ ہیں آپؐ
koi hadi ab na aaye ga na utar e gi kitaab
hashar tak ke wastay farman-e-painda hain aapؐ
جس نے دیکھا آپؐ کو‘ دیکھا طلُوعِ صبح کو
اے ضیائے کاخ و کُو ! مہرِ درخشندہ ہیں آپؐ
jis ne dekha aapؐ ko‘ dekha tulu-e-subh ko
ay ziya-e-kakh o ku! mehr-e-derakhshanda hain aapؐ
نُورِ سیرت آپؐ سے نُورِ بصیرت آپؐ سے
روشنی بن کر دلوں کی آج بھی زندہ ہیں آپؐ
nur-e-seerat aapؐ se nur-e-baseerat aapؐ se
roshni ban kar dilon ki aaj bhi zinda hain aapؐ
عقل اور جذبات میں حُسنِ توازن کے لئے
کارگاہِ زیست میں حق کے نمائندہ ہیں آپؐ
aqal aur jazbat mein husn-e-tawazun ke liye
kargah-e-zeest mein haq ke numainda hain aapؐ
اپنی غفلت کا یہ عالم اور یہ شفقت آپؐ کی
جُرم ہم سے ہو رہے ہیں اور شرمندہ ہیں آپؐ
apni ghaflat ka yeh alam aur yeh shafqat aapؐ ki
jurm hum se ho rahe hain aur sharuminda hain aapؐ
Share This Naat
Share with friends and family
رُوح بن کر وسعتِ کونین میں زندہ ہیں آپؐ
حنیف اسعدی