شمع دیں کی کیسے ہو سکتی ہے مدھم روشنی
بزمِ طیبہ میں برستی ہے جھما جھم روشنی
Shama dein ki kaise ho sakti hai madhm roshni
Bazm-e-taybah mein barasti hai jhama jham roshni
خاک پائے شاہ کو سرمہ بنا لیتا ہوں میں
میری آنکھوں میں کبھی ہوتی ہے جب کم روشنی
Khak paaye shah ko surma bana leta hoon mein
Meri aankhon mein kabhi hoti hai jab kam roshni
نورِ مطلق کے قریں بے ساختہ پہنچے حضور
روشنی سے کس قدر ہوتی ہے مِحرم روشنی
Noor-e-mutlaq ke qareen be sakhta pohnche Huzoor
Roshni se kis qadar hoti hai mihram roshni
نقش پائے شہ کی ہلکی سےجھلک ہے کار گر
کیسے ہو سکتی ہے مہر و مہ کی مدھم روشنی
Naqsh paaye shah ki halki se jhalak hai kaar gar
Kaise ho sakti hai mehr o mah ki madhm roshni
گیسوئے پاک ان کے برہم ہو کے بھی برہم نہیں
ورنہ ہر عالَم کی ہو جائے گی برہم روشنی
Giswaye paak un ke barham ho ke bhi barham nahi
Warna har aalam ki ho jaye gi barham roshni
شام اسریٰ مٹ گئی تفریق محبوب و محبّ
روشنی میں اس طرح ہوتی ہے مدغم روشنی
Shaam-e-Asra mit gayi tafreeq mehboob o muhabb
Roshni mein is tarah hoti hai madgham roshni
ہجر حضرت میں جہاں بھی کچھ اندھیرا چھائے گا
آنسووں سے مانگ لے گی چشم پُر نم روشنی
Hijr Hazrat mein jahan bhi kuch andhera chhaaye ga
Ansuon se maang le gi chashm pur nam roshni
پانی پانی ہو ابھی ہجر شہِ کُل میں صبؔیح
میرے اشکوں کی جو دیکھے چاہِ زم زم روشنی
Paani paani ho abhi hijr shah-e-kul mein Sabih
Mere ashkon ki jo dekhe chah-e-zam zam roshni
Share This Naat
Share with friends and family
شمع دیں کی کیسے ہو سکتی ہے مدھم روشنی
سید صبیح الدین صبیح رحمانی