شیریں ہے مثلِ حرفِ دُعا نام آپؐ کا
مخلوق میں ہے سب سے بڑا نام آپؐ کا
Sheereen hai misl-e harf-e dua naam aapؐ ka
Makhlooq mein hai sab se bara naam aapؐ ka
تخلیقِ کائنات کی جب ابتدا ہوئی
خالق نے سب سے پہلے لکھا نام آپؐ کا
Takhleeq-e kainaat ki jab ibtidaa hui
Khaaliq ne sab se pehle likha naam aapؐ ka
سب سے بڑی، خدا کی عنایت کتابِ نُور
سب سے بڑی، خدا کی عطا نام آپؐ کا
Sab se bari, Khuda ki inayat kitab-e noor
Sab se bari, Khuda ki ata naam aapؐ ka
کرتی ہے بار بار وہ گزرے دنوں کو یاد
لیتی ہے بار بار حِرا نام آپؐ کا
Karti hai baar baar wo guzre dino ko yaad
Leti hai baar baar Hira naam aapؐ ka
ہونٹوں کو حُسنِ صدق و صداقت ملا نہیں
جب تک ادب سے لے نہ لیا نام آپؐ کا
Honton ko husn-e sidq o sadaqat mila nahin
Jab tak adab se le na liya naam aapؐ ka
Share This Naat
Share with friends and family
شیریں ہے مثلِ حرفِ دُعا نام آپؐ کا
انجم نیازی