شاہِ کونین کی خوشبو سے فضا کیف میں ہے
چھو کے نعلینِ کرم غارِ حرا کیف میں ہے
Shah-e-konain ki khushbu se fiza kaif mein hai
Choo ke naalain-e-karam ghar-e-hira kaif mein hai
جب سے مانگا ہے شہِ کون و مکاں کا جلوہ
لفظ ہیں رقص کناں حرفِ دعا کیف میں ہے
Jab se manga hai shah-e-kon o makaan ka jalwa
Lafz hain raqs kanan harf-e-dua kaif mein hai
ایسے دربار میں پھیلایا ہے دامانِ طلب
التجا وجد میں ہے اور صدا کیف میں ہے
Aisay darbar mein phailaya hai daaman-e-talab
Iltija wajid mein hai aur sada kaif mein hai
کر کے آئی ہے ابھی کوئے معطر کا طواف
کشتِ نوخیز میں وارفتہ صبا کیف میں ہے
Kar ke aayi hai abhi koe moattar ka tawaaf
Kasht-e-nokhaiz mein warfta saba kaif mein hai
شافعِ حشر کی اک چشمِ عنایت کے سبب
فردِ اعمال کی ہر ایک خطا کیف میں ہے
Shafi-e-hashr ki aik chashm-e-inayat ke sabab
Fard-e-aamal ki har aik khata kaif mein hai
یاد آئی ہے مدینے کی بلاوے کی طرح
طاقِ امید پہ اک لرزاں دیا کیف میں ہے
Yaad aayi hai Madine ki bulawe ki tarah
Taaq-e-umeed pe aik larzan diya kaif mein hai
نعت بھر دیتی ہے اشفاق رگوں میں امرت
جس کسی کو بھی ملا رزقِ ثنا ،کیف میں ہے
Naat bhar deti hai Ashfaq ragon mein amrat
Jis kisi ko bhi mila rizq-e-sana, kaif mein hai
Share This Naat
Share with friends and family
شاہِ کونین کی خوشبو سے فضا کیف میں ہے
اشفاق احمد غوری