نامہ میں مرے بارِ گنہ کم تو نہیں ہے
آقا ہیں شفیع پھر مجھے کچھ غم تو نہیں ہے
Naama mein mere baar-e-gunah kam to nahin hai
Aaqa hain shafi phir mujhe kuch gham to nahin hai
طیبہ سے وطن چلنے کو کہتا ہے ابھی سے
دشمن ہے تو اے دل میرا ہم دم تو نہیں ہے
Taiba se watan chalne ko kehta hai abhi se
Dushman hai to ae dil mera hum dam to nahin hai
آنسو نے مرے حال کا پردہ نہیں رکھا
یہ آنکھ مرے قلب کی محرم تو نہیں ہے
Aansoo ne mere haal ka parda nahin rakha
Yeh aankh mere qalb ki mahram to nahin hai
ہر سانس پڑھے جا مرے آقا کا قصیدہ
دھڑکن اے مرے دل تری مدّھم تو نہیں ہے
Har saans padhe ja mere aaqa ka qasida
Dhadkan ae mere dil teri maddham to nahin hai
گا گا کے اے نادان نہ کر قراتِ قرآں
نغمہ ہے یہ توحید کا، سرگم تو نہیں ہے
Ga ga ke ae nadaan na kar qiraat-e-Qur’aan
Naghma hai yeh tauheed ka, sargam to nahin hai
آقا کا تصور ہے مرے قلب کی زینت
عاشق کو یہ نعمت بھی کوئی کم تو نہیں ہے
Aaqa ka tasawwur hai mere qalb ki zeenat
Aashiq ko yeh neemat bhi koi kam to nahin hai
ہو جائے کسی طور سے آقا کے برابر
اتنا کسی انسان میں دم خم تو نہیں ہے
Ho jaye kisi tor se aaqa ke barabar
Itna kisi insaan mein dum kham to nahin hai
ماں باپ دل و جان یہ رنگینیِ دنیا
آقا کی محبت پہ مقدم تو نہیں ہے
Maan baap dil o jaan yeh rangeeni-e-duniya
Aaqa ki mohabbat pe muqaddam to nahin hai
سرکار کی یاد آتے ہی تسکین ملی ہے
پہلا سا مرے دل کا وہ عالم تو نہیں ہے
Sarkar ki yaad aate hi taskeen mili hai
Pehla sa mere dil ka woh alam to nahin hai
شعروں میں مرے رنگ جھلکتا ہے رضا کا
زیادہ نہ سہی عشق مگر کم تو نہیں ہے
She’ron mein mere rang jhalakta hai Reza ka
Zyada na sahi ishq magar kam to nahin hai
ہر شعر عقیدت کے ترازو پہ تُلے گا
یہ نعت ہے اخبار کا کالم تو نہیں ہے
Har sher aqeedat ke tarazu pe tule ga
Yeh naat hai akhbar ka kaalam to nahin hai
نظمی تری نعتوں میں بلا کی ہے روانی
آقا کا کرم تجھ پہ کبھی کم تو نہیں ہے
Nazmi teri naaton mein bala ki hai rawani
Aaqa ka karam tujh pe kabhi kam to nahin hai
Share This Naat
Share with friends and family
نامہ میں مرے بارِ گنہ کم تو نہیں ہے
سید آل رسول حسنین میاں برکاتی نظمی