چاپ قدموں کی سنائی دے پسِ لولاک بھی
ہمسفر جبریلؑ کی شہرِ نبی کی خاک بھی
Chaap qadmon ki sunai de pas-i-lowlaak bhi
Humsafar Jibreel ki shehr-i-Nabi ki khaak bhi
مہر و مَہ لیتے ہیں بوسے آپ کی دستار کے
عرش سے بڑھ کر مقدس آپ کی پوشاک بھی
Mehr o mah lete hain boose aap ki dastaar ke
Arsh se barh kar muqaddas aap ki poshaak bhi
صبح کی پہلی کرن آ کر جگاتی ہے انہیں
مجھ سے بہتر ہیں مدینے کے خس و خاشاک بھی
Subah ki pehli kiran aa kar jagati hai unhein
Mujh se behtar hain Madine ke khas o khaashak bhi
دے نہیں پائے شب معراج کا اب تک جواب
سرنگوں گُم صُم کھڑے ہیں سوچ میں افلاک بھی
De nahi paaye Shab-i-Mairaaj ka ab tak jawab
Sar aanghum gum sum khade hain soch mein aflaak bhi
میں اکیلا تو نہ تھا اُس روضۂ اطہر کے پاس
بارِ عصیاں ساتھ تھا اور دیدۂ نمناک بھی
Main akela to na tha us Roza-i-At`har ke paas
Bar-i-asyaan saath tha aur deedah-i-namnaak bhi
اُن کے بوسیدہ لباسوں پر نہ جا انجؔم وہاں
قُدسیوں کی شان رکھتے ہیں گریباں چاک بھی
Un ke boseeda libaason par na ja Anjum wahan
Qudsioun ki shaan rakhte hain garebaan chaak bhi
Share This Naat
Share with friends and family
چاپ قدموں کی سنائی دے پسِ لولاک بھی
انجم نیازی