اُن کا چہرہ ، کتاب کی باتیں
گیت خوشبو شباب کی باتیں
Un ka chehra, kitaab ki baatein
Geet khushbu shabaab ki baatein
اُن کے ہونٹوں کا تذکرہ چھیڑا
چِھڑ گئیں پھر گلاب کی باتیں
Un ke honton ka tazkra chedra
Chhir gayi phir gulaab ki baatein
اُن کو بھیجیں درود کے تحفے
ہیں یہ ساری ثواب کی باتیں
Un ko bhejein durood ke tohfe
Hain ye saari sawaab ki baatein
ہم نے ان کو سلام بھیجا تھا
ہیں وہاں پر جواب کی باتیں
Hum ne un ko salaam bheja tha
Hain wahan par jawaab ki baatein
اُن کی رحمت کی بات بھی ہوگی
جب بھی ہوں گی عذاب کی باتیں
Un ki rehmat ki baat bhi hogi
Jab bhi hongi azaab ki baatein
وہ کریں گے شفاعتِ کُبرٰی
وہ ہی جانیں حساب کی باتیں
Wo karein ge shafaat-e-kubra
Wo hi jaanen hisaab ki baatein
جس پہ چاہیں وہ منکشف کر دیں
چھوڑ دیجے حجاب کی باتیں
Jis pe chahein wo munkashif kar dein
Chhor dije hijaab ki baatein
منکشف ان پہ ہر حقیقت ہے
باقی سب ہیں سراب کی باتیں
Munkashif un pe har haqeeqat hai
Baaki sab hain saraab ki baatein
نعت سن کر جو حظ اٹھاتے ہیں
کب سنیں گے رباب کی باتیں
Naat sun kar jo hazz uthate hain
Kab sunein ge rabaab ki baatein
اُن کے ہوتے جلیل امّت کو
زیب کب ہیں عتاب کی باتیں
Un ke hote jaleel ummat ko
Zaib kab hain ataab ki baatein
Share This Naat
Share with friends and family
اُن کا چہرہ ، کتاب کی باتیں
حافظ عبدالجلیل