پھر مجھے رحمت غفار کی یاد آتی ہے
پھر دیار شہ ابرار کی یاد آتی ہے
Phir mujhe rehmat e ghaffar ki yaad aati hai
Phir diyar e Shah e abrar ki yaad aati hai
روضہ پاک کا ہر نقش، بصیرت کا نشاں
پھر مجھے ساعت بیدار کی یاد آتی ہے
Roza e pak ka har naqsh, baseerat ka nishan
Phir mujhe sa'at e bedaar ki yaad aati hai
وادی خواب میں دیدار کا لمحہ چمکا
پھر اُسی لذتِ دیدار کی یاد آتی ہے
Wadi e khawb mein deedaar ka lamha chamka
Phir usi lazzat e deedaar ki yaad aati hai
میرے مولا! مرے حالات کی گرہیں کُھل جائیں
جبر میں احمد مختار کی یاد آتی ہے
Mere Maula! mere halaat ki girhein khul jaayein
Jabr mein Ahmed e Mukhtar ki yaad aati hai
اپنے صاحب کی رفاقت کا نشان ہیں صدیق
ہر نفس صاحب ایثار کی یاد آتی ہے
Apne sahib ki rifaqat ka nishan hain Siddiq
Har nafas Sahib e isaar ki yaad aati hai
حق و باطل کو جدا کردیا جس نے کشفی
شاہ لولاک کی تلوار کی یاد آتی ہے
Haq-o-batil ko juda kiya jis ne kashfi
Shah e Loolak ki talwar ki yaad aati hai
جس نے قرآن کے اوراق کو سرخی بخشی
آج اُس دیدۂ گل باڑ کی یاد آتی ہے
Jis ne Quran ke aurak ko surkhi bakhshi
Aaj us deeda e gul bar ki yaad aati hai
اپنے دشمن کے جو سینے سے اتر آیا تھا
اُس جری حیدر کرار کی یاد آتی ہے
Apne dushman ke jo seene se utar aaya tha
Us jari Haider e Karrar ki yaad aati hai
نام ہے جس کا ابوالخیر وطن ہے طیبہ
آپ کے خادمِ دربار کی یاد آتی ہے
Naam hai jis ka Abulkhair watan hai Tayyiba
Aap ke khadim e darbar ki yaad aati hai
Share This Naat
Share with friends and family
پھر مجھے رحمت غفار کی یاد آتی ہے
ابو الخیر کشفی