کہکشاؤں کے سحر زیرِ قدم رہتے ہیں
زاویے فکر کے جب سوئے حرم رہتے ہیں
KahkashaoN ke sehr zair-e-qadam rahte hain
Zawie fekr ke jab soye haram rahte hain
شہرِ خوشبو میں ہو دھڑکن پہ ادب کا پہرہ
سانس آہستہ، یہاں میرِ امم رہتے ہیں
Shehr-e-khushboo mein ho dharkan pe adab ka pehra
Saanz aahista, yahaan Meer-e-umm rahte hain
ان کے دربار سے لوٹے ہیں تو حالت یہ ہے
ہجر کی گود میں با دیدۂ نم رہتے ہیں
Unke darbaar se lote hain to haalat yeh hai
Hijr ki god mein ba deeda-e-nam rahte hain
طائرِ فکر کا محور ہے فضائے مدحت
خدمتِ نعت میں قرطاس و قلم رہتے ہیں
Tayar-e-fekr ka mehwar hai faza-e-madahat
Khidmat-e-naat mein qirtaas o qalam rahte hain
جلوۂ شاہِ دو عالم سے مہکتا ہے ارم
بہرِ دیدار، طلب گارِ ارم رہتے ہیں
Jalwa-e-Shah-e-do alam se mehakta hai aram
Bahar-e-deedaar, talab gaar-e-aram rahte hain
نور والوں سے ہو نسبت تو اندھیرے کیسے
ان کو ہر موڑ پہ صد نور بہم رہتے ہیں
Noor walon se ho nisbat to andhere kaise
Unko har morr pe sad noor bahm rahte hain
کربلا والوں کا غم دل میں بسا ہے جب سے
دور اشفاق سے سب رنج و الم رہتے ہیں
Karabla walon ka gham dil mein basa hai jab se
Door Ashfaq se sab runj o alam rahte hain
Share This Naat
Share with friends and family
کہکشاؤں کے سحر زیرِ قدم رہتے ہیں
اشفاق احمد غوری