نبیؐ کے شہر میں بہرِ خدا آہستہ بولو
اگر ہو تم رسالت آشنا، آہستہ بولو
Nabiؐ ke shehar mein behar-e khuda aahista bolo
agar ho tum risalat aashna, aahista bolo
قدم رکھتا ہے جب انساں کوئی اُس سرزمیں پر
فضا آواز دیتی ہے ذرا، آہستہ بولو
qadam rakhta hai jab insaan koi us sarzamin par
fiza awaaz deti hai zara, aahista bolo
امامؐ الانبیاء آرام فرماتے ہیں اِس میں
بہت نازک ہے اِس گھر کی انا، آہستہ بولو
Imamؐ ul anbiya aaraam farmate hain is mein
bohot naazuk hai is ghar ki ana, aahista bolo
کسی صورت صدا اونچی نہ ہو اُنؐ کی صدا سے
پلٹ جائے نہ رحمت کی گھٹا، آہستہ بولو
kisi soorat sada oonchi na ho unؐ ki sada se
palat jaye na rehmat ki ghata, aahista bolo
عجب ہی بارگاہِ نُور ہے جس میں پہنچ کر
فرشتوں نے فرشتوں سے کہا، آہستہ بولو
ajab hi bargah-e noor hai jis mein pohanch kar
farishton ne farishton se kaha, aahista bolo
مدینے سے پرندے جس قدر گزرے ہیں اب تک
انہیں سب نے یہی کہتے سنا، آہستہ بولو
Madine se parinde jis qadar guzre hain ab tak
inhein sab ne yehi kehte suna, aahista bolo
عقیدت سے لیا جب میں نے اُنؐ کا نام انجؔم
مجھے آہستہ سے دِل نے کہا، آہستہ بولو
aqeedat se liya jab main ne unؐ ka naam Anjam
mujhe aahista se dil ne kaha, aahista bolo
Share This Naat
Share with friends and family
نبیؐ کے شہر میں بہرِ خدا آہستہ بولو
انجم نیازی