اے شہِ بیکس نواز کوئی نہیں چارہ ساز
ہم ہیں یہاں پر تپاں دُور ہے ہم سے حجاز
Ae Shah-e-Bekas Nawaz koi nahi chara saz
Hum hain yahan par tapaan door hai hum se Hijaz
یادِ شہ ِ دوسرا ہم کو ہے صبح و مسا
یہ ہے ہمارا سجود یہ ہے ہماری نماز
Yaad-e-Shah-e-Dosra hum ko hai subah o masa
Yeh hai humara sujood yeh hai humari namaz
دیجئے مجھ کو مُراد کیجئے دل میرا شاد
آپ ہیں ابرِ کرم آپ ہیں بندہ نواز
Dijiye mujh ko murad kijiye dil mera shad
Aap hain abr-e-karam aap hain banda nawaz
آپ کی تابانیاں ، آئینہ سامانیاں
دیکھ کے حیرت میں گم ہو گیا آئینہ ساز
Aap ki tabaniyan, aaeena saamaniyan
Dekh ke hairat mein gum ho gaya aaeena saz
یادِ دیارِ حبیب ہوگئی دل کو نصیب
اب نہ غم ِ عقل و ہوش اب نہ غمِ امتیاز
Yaad-e-diyar-e-Habib ho gayi dil ko naseeb
Ab na gham-e-aql o hosh ab na gham-e-imtiaz
اب تو کرم کا ہو کام میری غرض ہو تمام
آپ سمجھ ہی چکے حسرتِ دستِ دراز
Ab to karam ka ho kaam meri gharaz ho tamam
Aap samajh hi chuke hasrat-e-dast-e-daraaz
آپ پہ ہے حق فدا آپ ہیں حق پر نثار
اے شہِ دیں آپ ہیں صاحبِ ناز و نیاز
Aap pe hai Haq fida aap hain Haq par nisaar
Ae Shah-e-Deen aap hain Sahib-e-naaz o niyaz
Share This Naat
Share with friends and family
اے شہِ بیکس نواز کوئی نہیں چارہ ساز
بہزاد لکھنوی