مراد مل گئی کوئی صدا لگا نہ سکے
درِ کرم سے کبھی خالی ہاتھ آ نہ سکے
Muraad mil gaii koi sada laga na sake
dar-e-karam se kabhi khaali hath aa na sake
وہاں بھی انکی عقیدت ہی رنگ لاتی ہے
کہ جس مقام پہ کوئی ہمیں بچا نہ سکے
Wahan bhi unki aqeedat hi rang laati hai
keh jis maqam pe koi humein bacha na sake
نقوش چھوڑ گئے ہیں جو ان کے دیوانے
زمانے والے انہیں آج تک مٹا نہ سکے
Naqoosh chhor gaye hain jo un ke diwane
zamane wale unhe aaj tak mita na sake
درِ رسولؐ پہ جا کر میں یوں پلٹ جاؤں
اگر اٹھا ئے وہاں سے کوئی اٹھانہ سکے
Dar-e-Rasool (ﷺ) pe ja kar mein yun palat jaoon
agar uthae wahan se koi utha na sake
تمہاری یا د میں کھو جائیں اس طرح آقاؐ
کوئی جہاں میں ہمارا سراغ پا نہ سکے
Tumhari yaad mein kho jaayein is tarah aqa (ﷺ)
koi jahan mein hamara suragh pa na sake
نظر فروز ہے جن کا نقابِ رعنائی
نقاب اٹھائیں تو کوئی بھی تاب لا نہ سکے
Nazar faroz hai jin ka niqab-e-raanai
niqab uthaein to koi bhi tab la na sake
گدا نواز گدا کو نواز دے اتنا
کسی کے سامنے دستِ طلب بڑھا نہ سکے
Gada nawaz gada ko nawaz de itna
kisi ke samne dast-e-talab barha na sake
ہمارے دل میں سمایا ہوا ہے وہ جلوہ
جو کائنات کی وسعت میں بھی سما نہ سکے
Hamara dil mein samaya hua hai woh jalwah
jo kainaat ki wusat mein bhi sama na sake
حضورؐ آپ کے نقشِ قدم وہاں بھی ہیں
جہاں خیال و تصور کسی کا جانہ سکے
Huzoor (ﷺ) aap ke naqsh-e-qadam wahan bhi hain
jahan khayal o tasawwurr kisi ka ja na sake
انہیں خبیر و علیم و بصیر مانتے ہیں
ہم ان کو حال بھی اپنا کبھی سنا نہ سکے
Unhein khabeer o aleem o baseer maante hain
hum un ko haal bhi apna kabhi suna na sake
وہ شمعِ عشقِ محمدؐ جلاؤ اے خالدؔ
جسے ہوائے مخالف کبھی بجھا نہ سکے
Woh shama-e-ishq-e-Muhammad (ﷺ) jalao ae Khalid
jise hawaaye mukhalif kabhi bujha na sake
Share This Naat
Share with friends and family
مراد مل گئی کوئی صدا لگا نہ سکے
خالد محمود خالد