سرورِ عالی مقام جانِ دو عالم ہو تم
نیک سیر نیک نام ہادی ِ اعظم ہو تم
Suroor-e-aali maqam jaan-e-do aalem ho tum
Naik seyar naik naam haadi-e-azam ho tum
کون ہے ایسا بشر جو نہیں ممنونِ ور
لطف کُن خاص و عام رحمتِ عالم ہو تم
Kaun hai aisa bashar jo nahi mamoonee war
Lutf kun khaas o aam rehmat-e-alem ho tum
مظہرِ ربِّ ودود کیوں نہ پڑھیں سب درود
کیوں نہ پڑھیں سب سلام سب کے مکرم ہو تم
Mazhar-e-Rab-e-wadud kyo na parheen sub darood
Kyo na parheen sub salam sab ke mukarram ho tum
ذرہ و خورشید کیا مرکز و تمہید کیا
جان خواص و عوام لطفِ مجسّم ہو تم
Zarra o Khursheed kya markaz o tameed kya
Jaan khawaas o awaam lutf-e-mujassim ho tum
کیا یہ شجر کیا حجر کیا یہ ملَک کیا بشر
کون نہیں ہے غلام شاہ دو عالم ہو تم
Kya yeh shajar kya hajar kya yeh malak kya bashar
Kaun nahi hai ghulaam shah-e-do-alam ho tum
تم پہ زمانہ نثار تم ہو جہاں کی بہار
تم سے ہے قائم نظام نازشِ آدم ہو تم
Tum pe zamana nisaar tum ho jahaan ki bahaar
Tum se hai qaim nizaam naazish-e-aadam ho tum
Share This Naat
Share with friends and family
سرورِ عالی مقام جانِ دو عالم ہو تم
بہزاد لکھنوی