حُبِّ دُنیا نہ دیکھ میری طرف ‘ اِک نگہبان میرے اندر ہے
زندگی تُو نہ مُجھ پہ حُکم چلا ، میرا سُلطان میرے اندر ہے
Hub-e-Dunya na dekh meri taraf, ik nigehban mere andar hai
Zindagi tu na mujh pe hukm chala, mera sultan mere andar hai
پسِ دیوار تک شہود مِرا ، رقبہ دِید بے حدود مرا
دانہء عِشق ہے وجود مِرا ، کھیت کھلیان میرے اندر ہے
Pas-e-deewar tak shahood mera, raqba deed be hood mera
Dana-e-ishq hai wujood mera, khet khalyaan mere andar hai
اِک نظر دوجہاں کے مونس کی ‘ روشنی ہے مِری مجالس کی
کی مُحمّؐد نے تربیت جس کی ‘ وہی انساں میرے اندر ہے
Ik nazar dojahan ke monis ki, roshni hai meri majalis ki
Ki Muhammad ﷺ ne tarbiyat jis ki, wahi insaan mere andar hai
دَم ِ ہجرت جو غارِ ثَور میں تھا ، ہر اُفق اُس کی فردِ غَور میں تھا
ایک حسّان اُس کے دَور میں تھا ایک حسّان میر ے اندر ہے
Dam-e-hijrat jo Ghar-e-Saur mein tha, har ufaq us ki fard-e-ghaur mein tha
Ek Hassaan us ke daur mein tha, ek Hassaan mere andar hai
زند گی مُجھ کو آئنہ نہ دِکھا ، دیکھنا ہے تو دیکھ دِل میرا
میرے کردارِ ظاہری پہ نہ جا ، میری پہچان میرے اندر ہے
Zindagi mujh ko aaina na dikha, dekhna hai to dekh dil mera
Mere kirdar-e-zahiri pe na ja, meri pehchaan mere andar hai
کِس قدر مہرباں ہے مُجھ پر وہ ، مُجھ کو پیارا ہے سب سے بڑھ کر وہ
رحمتوں کا ہے اِک سمندر وہ اور طوفان میرے اندر ہے
Kis qadar mehrban hai mujh par wo, mujh ko pyara hai sab se barh kar wo
Rehmaton ka hai ik samandar wo aur toofan mere andar hai
جہلِ انسانیت سے عاری ہوں والی ِ علم کابھِکاری ہُوں
چہرہء مصطفےٰ کا قاری ہُوں سارا قُرآن میرے اندر ہے
Jahil-e-insaniyat se aari hoon wali-e-ilm ka bhikari hoon
Chehra-e-Mustafa ka qaari hoon sara Quran mere andar hai
میرے فن کی مطفّؔر آوازیں صرف گونجا کریں گی دُنیا میں
وہ خُدا کو سنائے گا نعتیں جو خوش الحان میرے اندر ہے
Mere fan ki Muzaffar aawaazain sirf goonja karengi dunya mein
Wo Khuda ko sunaye ga naatein jo khush alhaan mere andar hai
Share This Naat
Share with friends and family
حُبِّ دُنیا نہ دیکھ میری طرف
مظفر وارثی