bheeni suhani subha mein thandak jigar ki ha

بھینی سُہانی صبح میں ٹھنڈک جِگر کی ہے کلیاں کِھلیں دِلوں کی ہوا یہ کِدھر کی ہے

Bheeni suhaani subah mein thandak jigar ki hai Kaliyaan khilin dilon ki, hawa yeh kidhar ki hai

کھبتی ہوئی نظر میں ادا کِس سحر کی ہے چبھتی ہوئی جِگر میں صَدا کس گجر کی ہے

Khubti hui nazar mein ada kis sehr ki hai Chubhti hui jigar mein sadaa kis gujar ki hai

ڈالیں ہَری ہَری ہیں تو بالیں بھری بھری کشتِ اَمَل پَری ہے یہ بارش کدھر کی ہے

Daalen hari hari hain to baalen bhari bhari Kasht-e-amal pari hai, yeh baarish kidhar ki hai

ہم جائیں اور قدم سے لپٹ کر حرم کہے سونپا خدا کو یہ عظمت کس سفر کی ہے

Hum jaayein aur qadam se lipat kar haram kahe Sonpa Khuda ko yeh azmat kis safar ki hai

ہم گردِ کعبہ پِھرتے تھے کل تک اور آج وہ ہم پر نثار ہے یہ اِرادت کِدھر کی ہے

Hum gard-e-Kaaba phirte the kal tak aur aaj woh Hum par nisaar hai yeh iradat kidhar ki hai

کالک جبیں کی سجدئہ در سے چھڑاؤ گے مجھ کو بھی لے چلو یہ تمنّا حجر کی ہے

Kaalak jabeen ki sajda-e-dar se chhuraao ge Mujh ko bhi le chalo yeh tamanna Hajar ki hai

ڈُوبا ہوا ہے شوق میں زمزم اور آنکھ سے جھالے برس رہے ہیں یہ حسرت کدھر کی ہے

Dooba hua hai shauq mein Zamzam aur aankh se Jhaale baras rahe hain yeh hasrat kidhar ki hai

برسا کہ جانے والوں پہ گوہر کروں نثار ابرِ کرم سے عرض یہ میزاب زرکی ہے

Barsaa ke jaane walon pe gohar karoon nisaar Abr-e-karam se arz yeh Meezaab-e-Zar ki hai

آغوشِ شوق کھولے ہے جن کے لئے حطیم وہ پھر کے دیکھتے نہیں یہ دُھن کدھر کی ہے

Aaghosh-e-shauq khole hain jin ke liye Hateem Woh phir ke dekhte nahi yeh dhun kidhar ki hai

ہاں ہاں رہِ مَدینہ ہے غافِل ذرا تو جاگ اَو پاؤں رکھنے والے یہ جا چشم و سر کی ہے

Haan haan rah-e-Madina hai ghaalib zara to jaag Ao paon rakhne wale yeh jaa chashm-o-sar ki hai

وَاروں قدم قدم پہ کہ ہر دَم ہے جانِ نو یہ راہِ جاں فزا مِرے مولیٰ کے دَر کی ہے

Waaroon qadam qadam pe ke har dam hai jaan-e-no Yeh raah-e-jaan-fiza mere Maula ke dar ki hai

گھڑیاں گنی ہیں برسوں کہ یہ سُب گھڑی پِھری مر مر کے پھر یہ سِل مِرے سینے سے سر کی ہے

Ghariyaan gini hain barson ke yeh sub ghari phiri Mar mar ke phir yeh sil mere seene se sar ki hai

اللہُ اَ کْبَر! اپنے قدم اور یہ خاکِ پاک حسرت ملائکہ کو جہاں وَضعِ سر کی ہے

Allahu Akbar! Apne qadam aur yeh khaak-e-paak Hasrat malaika ko jahan waz-e-sar ki hai

معراج کا سماں ہے کہاں پہنچے زائرو! کُرسی سے اُونچی کُرسی اسی پاک گھر کی ہے

Me’raaj ka samaan hai, kahaan pahunche zaairo! Kursi se oonchi kursi isi paak ghar ki hai

عشاقِ رَوضہ سجدہ میں سُوئے حرم جُھکے اللہ جانتا ہے کہ نیّت کِدھر کی ہے

Ushaaq-e-rauza sajda mein sue haram jhuke Allah jaanta hai ke niyyat kidhar ki hai

یہ گھر یہ در ہے اس کا جو گھر در سے پاک ہے مژدہ ہو بے گھرو کہ صلا اچّھے گھر کی ہے

Yeh ghar yeh dar hai us ka jo ghar dar se paak hai Mujda ho be-gharo ke sala achhe ghar ki hai

محبوبِ ربِّ عرش ہے اس سَبز قبّہ میں پہلو میں جلوہ گاہ عتیق و عمر کی ہے

Mahboob-e-Rabb-e-Arsh hai is sabz qubbah mein Pehlu mein jalwa gaah Atiq-o-Umar ki hai

چھائے ملائکہ ہیں لگاتار ہے درود! بدلے ہیں پہرے بدلی میں بارش دُرر کی ہے

Chhaaye malaika hain, lagataar hai durood! Badle hain pehre, badli mein baarish durar ki hai

سعدین کا قِران ہے پہلوئے ماہ میں جُھرمٹ کیے ہیں تارے تجلّی قمر کی ہے

Sa'dain ka qiraan hai pehlu-e-maah mein Jhurmat kiye hain taare, tajalli qamar ki hai

ستّر ہزار صبح ہیں سَتّر ہزار شام یُوں بندَگیِ زُلف و رُخ آٹھوں پہر کی ہے

Sattar hazaar subah hain, sattar hazaar shaam Yoon bandagi-e-zulf-o-rukh aathon pehar ki hai

جو ایک بار آئے دوبارہ نہ آئیں گے رُخصَت ہی بارگاہ سے بس اس قدر کی ہے

Jo ek baar aaye dobaara na aayein ge Rukhsat hi baar-gaah se bas is qadar ki hai

تڑپا کریں بدل کے پھر آنا کہاں نصیب بے حکم کب مجال پرندے کو پر کی ہے

Tadpa karein badal ke phir aana kahaan naseeb Be-hukm kab majaal parinde ko par ki hai

اے وائے بے کسیِ تمنّا کہ اب اُمید دن کو نہ شام کی ہے نہ شب کو سحر کی ہے

Aye waaye be-kasi-e-tamanna ke ab umeed Din ko na shaam ki hai na shab ko sahar ki hai

یہ بدلیاں نہ ہوں تو کروروں کی آس جائے اور بارگاہ مرحمت عام تر کی ہے

Yeh badliyaan na hon to karoron ki aas jaaye Aur baar-gaah-e-marhamat aam tar ki hai

معصوموں کو ہے عمر میں صرف ایکبار بار عاصی پڑے رہیں تو صَلا عمر بھر کی ہے

Masoomon ko hai umr mein sirf aik baar baar Aasi paday rahain to sala umr bhar ki hai

زِندہ رہیں تو حاضریِ بارگہ نصیب مر جائیں تو حیاتِ اَبد عیش گھر کی ہے

Zinda rahain to haazri-e-baar-gah naseeb Mar jaayein to hayat-e-abad aish-gar ki hai

مفلِس اور ایسے در سے پِھرے بے غنی ہوئے چاندی ہر اک طرح تو یہاں گدیہ گر کی ہے

Muflis aur aise dar se phire be-ghani hue Chandi har ik tarah to yahaan gadhya-gar ki hai

جاناں پہ تکیہ خاک نہالی ہے دل نہال ہاں بے نواؤ خوب یہ صُورت گزر کی ہے

Janaan pe takya, khaak nehaali hai dil nehaal Haan be-nawao khoob yeh surat guzar ki hai

ہیں چتر و تخت سایۂ دیوار و خاکِ در شاہوں کو کب نصیب یہ دَھج کَرّو فر کی ہے

Hain chhatro takht saaya-e-deewaar-o-khaak-e-dar Shahon ko kab naseeb yeh dhaj kar-o-far ki hai

اس پاک کو میں خاک بسر سربخاک ہیں سمجھے ہیں کچھ یہی جو حقیقت بسرکی ہے

Is paak ko main khaak-basar sar-bakhaak hain Samjhe hain kuch yahi jo haqeeqat basar ki hai

کیوں تاجدارو! خواب میں دیکھی کبھی یہ شَے جو آج جھولیوں میں گدایانِ در کی ہے

Kyun tajdaaro! Khwab mein dekhi kabhi yeh shai Jo aaj jholiyon mein gadaayaan-e-dar ki hai

جارو کشوں میں چہرے لکھے ہیں ملُوُک کے وہ بھی کہاں نصیب فقط نام بھر کی ہے

Jaaru-kashon mein chehre likhe hain malook ke Woh bhi kahaan naseeb, faqat naam bhar ki hai

طیبہ میں مر کے ٹھنڈے چلے جاؤ آنکھیں بند سیدھی سڑک یہ شہرِ شفاعت نگر کی ہے

Tayyiba mein mar ke thanday chale jaao aankhein band Seedhi sadak yeh sheher-e-shafaat nagar ki hai

عاصِی بھی ہیں چہیتے یہ طیبہ ہے زاہدو! مکّہ نہیں کہ جانچ جہاں خیر و شر کی ہے

Aasi bhi hain chaheetay, yeh Tayyiba hai Zaahido! Makkah nahi ke jaanch jahan khair-o-shar ki hai

شانِ جمال طیبۂ جاناں ہے نفع محض! وُسعت جلالِ مکّہ میں سود و ضرر کی ہے

Shaan-e-jamaal Tayyiba-e-jaan hai nafa' mahz! Wus'at jalaal-e-Makkah mein sood-o-zarar ki hai

کعبہ ہے بے شک اَنجمن آرا دُلھن مگر ساری بَہار دُولھنوں میں دُولھا کے گھر کی ہے

Kaaba hai beshak anjuman aara dulhan magar Saari bahaar dulhano mein dulha ke ghar ki hai

کعبہ دُلھن ہے تربت اَطہر نئی دُلھن یہ رشکِ آفتاب وہ غیرت قمر کی ہے

Kaaba dulhan hai, turbat-e-athar nai dulhan Yeh rashk-e-aftaab, woh ghairat qamar ki hai

دونوں بنیں سجیلی اَنیلی بنی مگر جو پی کے پاس ہے وہ سہاگن کنورکی ہے

Dono banein sajeeli, aneeli bani magar Jo pi ke paas hai woh suhagan kunwar ki hai

سرسبز وَصل یہ ہے سیہ پوشِ ہجر وہ چمکی دوپٹوں سے ہے جو حالت جگر کی ہے

Sarsabz wasl yeh hai siyah posh hijr woh Chamki dupatto se hai jo haalat jigar ki hai

مَا و شُماتو کیا کہ خلیلِ جلیل کو کل دیکھنا کہ اُن سے تمنّا نظر کی ہے

Maa-o-shuma to kya ke Khaleel-e-Jaleel ko Kal dekhna ke un se tamanna nazar ki hai

اپنا شرف دُعا سے ہے باقی رہا قبول یہ جانیں ان کے ہاتھ میں کنجی اثر کی ہے

Apna sharaf dua se hai baaqi raha qubool Yeh jaanein un ke haath mein kunji asar ki hai

جو چاہے ان سے مانگ کہ دونوں جہاں کی خیر زر ناخریدہ ایک کنیز اُن کے گھر کی ہے

Jo chahe un se maang ke dono jahan ki khair Zar na-khareeda aik kaneez un ke ghar ki hai

رُومی غلام دن حبشی باندیاں شبیں گِنتی کنیز زادوں میں شام و سحر کی ہے

Roomi ghulaam din, Habshi baandiyaan shabein Ginti kaneez zado mein shaam-o-sehar ki hai

اتنا عجب بلندیِ جنت پہ کس لئے دیکھا نہیں کہ بھیک یہ کس اونچے گھر کی ہے

Itna 'ajab bulandi-e-jannat pe kis liye Dekha nahi ke bheek yeh kis oonche ghar ki hai

عرشِ بریں پہ کیوں نہ ہو فردوس کا دماغ اُتری ہوئی شبیہہ تِرے بام و در کی ہے

Arsh-e-bareen pe kyun na ho Firdous ka dimaag Utri hui shabih tere baam-o-dar ki hai

وہ خلد جس میں اُترے گی اَبرارکی برات اَدنیٰ نچھاور اس مِرے دُولھا کے سر کی ہے

Woh khuld jis mein utre gi abraar ki baraat Adna nuchhawar is mere dulha ke sar ki hai

عنبرزمیں عبیر ہوا مشک تر غبار! ادنیٰ سی یہ شناخت تِری رہ گزر کی ہے

Anbar zameen, 'abeer hawa, mushk tar ghubaar! Adna si yeh shinaakht teri rah guzar ki hai

سرکار ہم گنواروں میں طرزِ اَدَب کہاں ہم کو تو بس تمیز یہی بھیک بھر کی ہے

Sarkar hum ganwaron mein tarz-e-adab kahan Hum ko to bas tameez yahi bheek bhar ki hai

مانگیں گے مانگے جائیں گے مُنھ مانگی پائیں گے سرکار میں نہ ’’لا‘‘ ہے نہ حاجت ’’اگر‘‘ کی ہے

Maangen ge maange jaayen ge, munh maangi paayen ge Sarkar mein na "la" hai, na haajat "agar" ki hai

اُف بے حیائیاں کہ یہ مُنھ اور تِرے حضور ہاں تُو کریم ہے تِری خو دَرگزر کی ہے

Uff be-hayaaiyaan ke yeh munh aur tere huzoor Haan tu kareem hai, teri khoo darguzar ki hai

تجھ سے چھپاؤں مُنھ تو کروں کس کے سامنے کیا اور بھی کسی سے توقع نظر کی ہے

Tujh se chhupaao munh to karoon kis ke saamne Kya aur bhi kisi se tawaqqo nazar ki hai

جاؤں کہاں پکاروں کسے کس کا منہ تکوں کیا پرسِش اور جَا بھی سگِ بے ہنر کی ہے

Jaoon kahaan, pukaroon kise, kis ka munh takoon Kya pursish aur jaa bhi sag-e-be-hunar ki hai

بابِ عطا تو یہ ہے جو بہکا اِدھر اُدھر کیسی خرابی اس نگھرے دَر بَدر کی ہے

Baab-e-ata to yeh hai jo behka idhar udhar Kaisi kharabi is nigraane-dar-badar ki hai

آباد ایک دَر ہے تِرا اور ترے سِوا جو بارگاہ دیکھیے غیرت کھنڈر کی ہے

Aabaad aik dar hai tera aur tere siwa Jo baar-gah dekhiye ghairat khan'dar ki hai

لب وا ہیں آنکھیں بند ہیں پھیلی ہیں جھولیاں کتنے مزے کی بھیک ترے پاک دَر کی ہے

Lab waa hain, aankhein band hain, pheli hain jholiyan Kitne mazae ki bheek tere paak dar ki hai

گھیرا اندھیریوں نے دُہائی ہے چاند کی تنہا ہوں کالی رات ہے منزل خطر کی ہے

Gheera andheriyon ne, duhai hai chaand ki Tanha hoon, kaali raat hai, manzil khatar ki hai

قسمت میں لاکھ پیچ ہوں سو بَل ہزار کج یہ ساری گتھی اِک تِری سیدھی نظر کی ہے

Qismat mein laakh paich hoon, sau bal, hazaar kaj Yeh saari guthi ek teri seedhi nazar ki hai

ایسی بندھی نصیب کھلے مشکلیں کھلیں دونوں جہاں میں دُھوم تمہاری کمر کی ہے

Aisi bandhi naseeb khule, mushkilein khulein Dono jahan mein dhoom tumhaari kamar ki hai

جنت نہ دیں ، نہ دیں ، تِری رویت ہو خیر سے اس گل کے آگے کس کو ہوس برگ و بر کی ہے

Jannat na dein, na dein, teri ruyat ho khair se Is gul ke aage kis ko hawas barg-o-bar ki hai

شربت نہ دیں ، نہ دیں ، تو کرے بات لطف سے یہ شہد ہو تو پھر کسے پَروا شکر کی ہے

Sharbat na dein, na dein, tu kare baat lutf se Yeh shehad ho to phir kise parwa shakar ki hai

میں خانہ زاد کہنہ ہوں صورت لکھی ہوئی بندوں کنیزوں میں مرے مادَر پدر کی ہے

Main khaana-zaad kohna hoon soorat likhi hui Bandon, kaneezon mein mere madar-pidar ki hai

منگتا کا ہاتھ اُٹھتے ہی داتا کی دَین تھی دُوری قبول و عرض میں بس ہاتھ بھر کی ہے

Mangta ka haath uṭhtay hi daata ki dayn thi Dooree qubool-o-arz mein bas haath bhar ki hai

سنکی وہ دیکھ بادِ شفاعت کہ دے ہوا یہ آبرو رضاؔترے دامانِ تر کی ہے

Sankee woh dekh baad-e-shafa'at ke dey hawa Yeh aabroo Raza tere daaman-e-tar ki hai

بھینی سُہانی صبح میں ٹھنڈک جِگر کی ہے

Share This Naat

Related Naats

مدینے دے راہی میں تیرے توں صدقے

محمد مصطفٰی آئے بہاروں پر بہار آئی

رنج و الم کا ہر گھڑی گرچہ وفور ہے

سنگ باریِ ظلم و ستم سے زخم جب جب بھی کھائے ہیں آقاؐ