سنگ باریِ ظلم و ستم سے زخم جب جب بھی کھائے ہیں آقاؐ
ظلم کے بدلے رحمت کے گوہر سوئے ظالم لُٹائے ہیں آقاؐ
Sang baree-e-zulm o sitam se zakhm jab jab bhi khaye hain aqa صلى الله عليه وسلم
Zulm ke badle rehmat ke gohar soo-e-zalim lutaye hain aqa صلى الله عليه وسلم
فرشِ گیتی پہ تشریف لا کر دینِ وحدت کا سورج اُگا کر
کفر و باطل کی تیرہ شبی کو اس جہاں سے مٹائے ہیں آقاؐ
Farsh-e-geeti pe tashreef la kar deen-e-wahdat ka sooraj uga kar
Kufr o batil ki teerah shabi ko is jahan se mitaye hain aqa صلى الله عليه وسلم
اپنی امّت کی بخشش کی خاطر پنج وقتہ نمازوں کی صورت
ہے وہ اک تحفۂ قیمتی جو عرشِ اعظم سے لائے ہیں آقاؐ
Apni ummat ki bakhshish ki khatir panj waqtah namazon ki surat
Hai woh ek tohfa-e-qeemati jo arsh-e-azam se laye hain aqa صلى الله عليه وسلم
چل رہی ہیں مخالف ہوائیں پھر بھی تیرے غلامانِ صادق
اپنے دل میں چراغِ عقیدت آندھیوں سے بچائے ہیں آقاؐ
Chal rahi hain mukhalif hawaien phir bhi tere ghumaan e sadiq
Apne dil mein charagh-e-aqeedat aandhiyon se bacha e hain aqa صلى الله عليه وسلم
روز و شب اپنی امّت کی خاطر سر بسجدہ نمازوں میں ہو کر
شعلۂ نارِ دوزخ کو اپنے آنسوؤں سے بجھائے ہیں آقاؐ
Roz o shab apni ummat ki khatir sar basajda namazon mein ho kar
Shola-e-nar e doozakh ko apne aansuon se bujha e hain aqa صلى الله عليه وسلم
اپنی دہلیزِ رحمت کی اب تو یا نبیؐ حاضری بخش دیجے
آرزوئے حضوری میں ہم بھی کب سے پلکیں بچھائے ہیں آقاؐ
Apni dehleez-e-rehmat ki ab to ya nabi صلى الله عليه وسلم hazri bakhsh dije
Arzoo e huzoori mein hum bhi kab se palken bichhaye hain aqa صلى الله عليه وسلم
اللہ اللہ شانِ پیمبر سر پہ تاجِ شفاعت سجا کر
حشر کے دن ردائے کرم میں عاصیوں کو چھپائے ہیں آقاؐ
Allah Allah shan-e-paighambar sar pe taj e shafaat saja kar
Hashr ke din rada e karam mein aseon ko chhupa e hain aqa صلى الله عليه وسلم
ہم ہیں خوش بخت بہرِ سعادت چند اشعار مدح و ثنا کے
آپ کی بارگاہِ کرم میں حسب توفیق لائے ہیں آقاؐ
Hum hain khush bakht behr e sa'adat chand ash'ar madah o sana ke
Aap ki bargah e karam mein hasb-e-taufiq laye hain aqa صلى الله عليه وسلم
دیکھ صدیق کی شانِ رفعت دے کے ان کو رفاقت امامت
مسندِ افضلیّت پہ خود ہی بہرِ عظمت بٹھائے ہیں آقاؐ
Dekh siddiq ki shan e rafat de ke unko rafaqqat imamat
Masnad e afzaliyat pe khud hi behr e azmat bitha e hain aqa صلى الله عليه وسلم
گر گئی ہاتھ سے تیغِ باطل پا گئے ابنِ خطّاب منزل
دارِ ارقم میں سوئے عمر جب چشمِ رحمت اٹھائے ہیں آقاؐ
Gir gayi hath se tegh e batil paa gaye ibn e khattab manzil
Dar e arqam mein soo-e-umar jab chashm e rehmat uthaye hain aqa صلى الله عليه وسلم
وہ غنی جو حیا کے ہیں پیکر ان کا ثانی نہیں کوئی دیگر
عقد میں دے کے دو بیٹیوں کو شانِ عثماں بڑھائے ہیں آقا
Woh ghani jo haya ke hain paikar unka sani nahi koi digar
Aqd mein de ke do betiyon ko shan e usman barhaye hain aqa صلى الله عليه وسلم
وہ علی تاجدارِ ولایت بن کے چمکے ہیں مہرِ شجاعت
خاص درسِ ہدایت سے ان کو ایسا کندن بنائے ہیں آقاؐ
Woh Ali tajdar e vilayat ban ke chumke hain mehr e shuja'at
Khas dars e hidayat se unko aisa kundan bana e hain aqa صلى الله عليه وسلم
تشنہ لب در پہ آتے ہیں لاکھوں اور جاتے ہیں سیراب ہو کر
در پہ اپنے کریمی کا احسنؔ ایسا دریا بہائے ہیں آقاؐ
Tishna lab dar pe aate hain laakhon aur jaate hain seirab ho kar
Dar pe apne karimi ka ahsan aisa darya baha e hain aqa صلى الله عليه وسلم
کاش اک دن نسیمِ مدینہ آکے مجھ کو یہ مژدہ سنا دے
پھر بلاتے ہیں پہلے بھی احسنؔ در پہ تجھ کو بلائے ہیں آقاؐ
Kaash ek din naseem e madina aa ke mujh ko ye mushda suna de
Phir bulaate hain pehle bhi Ahsan dar pe tuj ko bulae hain aqa صلى الله عليه وسلم
Share This Naat
Share with friends and family
سنگ باریِ ظلم و ستم سے زخم جب جب بھی کھائے ہیں آقاؐ
احسن اعظمی