جو نسبتِ شہِ کون و مکاں ؐ پہ ہیں نازاں
وہ جانتے ہی نہیں کیا ہے گردشِ دوراں
Jo nisbat-e-shah-e-kon o makaan (SAW) pe hain naazaan
Woh jaante hi nahi kya hai gardish-e-doraan
نبیؐ کے عشق نے چھوڑا نہ بے سرو ساماں
بڑا کرم ہے کہ خالی نہیں مرا داماں
Nabi (SAW) ke ishq ne chhoda na be saro saamaan
Bara karam hai ke khaali nahi mera daamaan
وہ آنکھ محرمِ حق ہے جو آپ کو دیکھے
وہ دل ہے عرش کہ جس دل میں آپؐ ہیں مہماں
Woh aankh mehrem-e-haq hai jo aap ko dekhe
Woh dil hai arsh ke jis dil mein aap (SAW) hain mehmaan
جس آستاں سے خدا تک رسائی ہوتی ہے
اس آستانے کی نسبت کا نام ہے ایماں
Jis aastaan se Khuda tak rasaai hoti hai
Us aastane ki nisbat ka naam hai imaan
شمار کر نہیں سکتے اگر شمار کر یں
قدم قدم پہ ہیں اتنے حضورؐ کے احساں
Shumaar kar nahi sakte agar shumaar karen
Qadam qadam pe hain itne Huzoor (SAW) ke ehsaan
کلامِ پاک ہے آئینہ ِ جمال ِ نبی ؐ
مرے حضورؐ کی سیرت ہے سر بسر قرآں
Kalaam-e-pak hai aaeena-e-jamaal-e-Nabi (SAW)
Mere Huzoor (SAW) ki seerat hai sar basar Qur'aan
کچھ اَور چاند ستاروں کو روشنی مل جائے
جو بے نقاب مدینے کا ہو مہِ تاباں
Kuch aur chaand sitaron ko roshni mil jaaye
Jo be naqaab Madine ka ho mah-e-taabaan
بیادِ رحمتِ کونینؐ میں سلامت ہوں
وگرنہ گھیرے ہوئے ہیں ہزار ہا طوفاں
Be yaad-e-rahmat-e-kainaat mein salaamat hoon
Wagarna ghere hue hain hazaar ha toofaan
دُرود ان پہ سلام ان پہ رات دن خالدؔ
کہ جن کے نام سے زندہ ہے عظمتِ انساں
Darood un pe salaam un pe raat din Khalid
Ke jin ke naam se zinda hai azmat-e-insaan
Share This Naat
Share with friends and family
جو نسبتِ شہِ کون و مکاں ؐ پہ ہیں نازاں
خالد محمود خالد