اس کی معراجِ بلندی پہ عبادت ہوجائے
صدق دل سے جسے سرکار سے الفت ہو جائے
Us ki meraaj-e-bulandi pe ibadat ho jaye
Sadiq dil se jise sarkar se ulfat ho jaye
اس کا ہر ایک عمل پل میں اکارت ہو جائے
جس سے ادنیٰ سی بھی توہینِ رسالت ہو جائے
Us ka har aik amal pal mein akarat ho jaye
Jis se adna si bhi tauheen-e-risalat ho jaye
موت اس شخص کی بن جائے گی صد رشکِ حیات
جس کی قسمت سے درِ شاہ پہ رحلت ہو جائے
Maut us shakhs ki ban jaye gii sad rashk-e-hayat
Jis ki qismat se dar-e-shah pe rehlat ho jaye
دامنِ عشقِ نبیؐ ہاتھ سے چھوٹے نہ کبھی
چاہتے ہو جو سرِ حشر شفاعت ہو جائے
Daman-e-ishq-e-Nabi (SAW) haath se chhoote na kabhi
Chahte ho jo sar-e-hashr shafaat ho jaye
واسطہ دے کے محمدؐ کا دعائیں مانگو
گر تمنا ہے کہ وا بابِ اجابت ہو جائے
Wasta de ke Muhammad (SAW) ka duaein mango
Gar tamanna hai ke wa bab-e-ijabat ho jaye
خواب میں کاش ہو دیدِ شہِ والا اِک دن
اور اسی خواب کے عالم میں ہی رحلت ہو جائے
Khwab mein kaash ho deed-e-shah-e-wala ik din
Aur isi khwab ke alam mein hi rehlat ho jaye
آج بھی لوٹ کے آجائے گا ماضی کا وقار
ہر مسلمان جو پابندِ شریعت ہو جائے
Aaj bhi laut ke aa jaye ga mazi ka waqar
Har Musalman jo paband-e-shariat ho jaye
نعت گوئی ہے فقط حُبِ نبیؐ کا اظہار
میں نے کب چاہا کہ اس سے مری شہرت ہو جائے
Naat goyi hai faqat hub-e-Nabi (SAW) ka izhar
Maine kab chaha ke is se mari shohrat ho jaye
عیدِ میلاد کا پھر آگیا موسم احسؔن
اور اِک نعتِ نبیؐ بہرِ عقیدت ہو جائے
Eid-e-milad ka phir aa gaya mausam Ehsan
Aur ik naat-e-Nabi (SAW) behr-e-aqeedat ho jaye
Share This Naat
Share with friends and family
اس کی معراجِ بلندی پہ عبادت ہوجائے
احسن اعظمی