نہ ہو آرام جس بیمار کو سارے زمانے سے
اُٹھا لے جائے تھوڑی خاک اُن کے آستانے سے
Na ho aaram jis bemaar ko sarey zamane se
Utha le jaye thodi khaak unke aastaaney se
تمہارے دَر کے ٹکڑوں سے پڑا پلتا ہے اِک عالم
گزارا سب کا ہوتا ہے اِسی محتاج خانے سے
Tumhaare dar ke tukron se para palta hai ik aalam
Guzara sab ka hota hai isi mohtaaj khaney se
شب ِاَسرا کے دولھا پر نچھاوَر ہونے والی تھی
نہیں تو کیا غرض تھی اتنی جانوں کے بنانے سے
Shab-e-Asra ke dolha par nichawar hone wali thi
Nahi to kya gharaz thi itni jaanon ke banane se
کوئی فردوس ہو یا خلد ہو ہم کو غرض مطلب
لگایا اب تو بستر آپ ہی کے آستانے سے
Koi firdous ho ya khuld ho hum ko gharaz matlab
Lagaya ab to bistar aap hi ke aastaaney se
نہ کیوں اُن کی طرف اللہ سو سو پیار سے دیکھے
جو اپنی آنکھیں ملتے ہیں تمہارے آستانے سے
Na kyu unki taraf Allah soo soo pyaar se dekhe
Jo apni aankhen milte hain tumhaare aastaaney se
تمہارے تو وہ احساں اور یہ نافرمانیاں اپنی
ہمیں تو شرم سی آتی ہے تم کو منہ دکھانے سے
Tumhaare to wo ehsaan aur ye nafraniyaan apni
Hamein to sharm si aati hai tum ko munh dikhane se
بہارِ خلد صدقے ہو رہی ہے رُوئے عاشق پر
کھلی جاتی ہیں کلیاں دِل کی تیرے مسکرانے سے
Bahaar-e-khuld sadqe ho rahi hai rooye aashiq par
Khuli jaati hain kaliyan dil ki tere muskurane se
زمیں تھوڑی سی دیدے بہر مدفن اپنے کوچہ میں
لگا دے میرے پیارے میری مٹی بھی ٹھکانے سے
Zameen thodi si de de behr madfan apne koocha mein
Laga de mere pyaare meri mitti bhi thikane se
پلٹتا ہے جو زائر اُس سے کہتا ہے نصیب اُس کا
ارے غافل قضا بہترہے یاں سے پھر کے جانے سے
Palat-ta hai jo zaair us se kehta hai naseeb us ka
Are gafil qaza behtar hai yaan se phir ke jane se
بلالو اپنے دَر پر اب تو ہم خانہ بدوشوں کو
پھریں کب تک ذلیل و خوار دَر دَر بے ٹھکانے سے
Bula lo apne dar par ab to hum khaana badooshon ko
Phiren kab tak zaleel o khwar dar dar be thikane se
نہ پہنچے اُن کے قدموں تک نہ کچھ حسن عمل ہی ہے
حسنؔ کیا پوچھتے ہو ہم گئے گزرے زمانے سے
Na poche un ke kadmon tak naa kuch husn-e-amal hi hai
Hasan kya pochte ho hum gaye guzre zamane se
Share This Naat
Share with friends and family
نہ ہو آرام جس بیمار کو سارے زمانے سے
حسن رضا خان