وحدت کا عقیدہ بھی اسی در کی عطا ہے
قرآں کا صحیفہ بھی اسی در کی عطا ہے
Wahdat ka aqeeda bhi isi dar ki ata hai
Qur'an ka sahifa bhi isi dar ki ata hai
ہر لمحہ مدینے کی تھی اس دل میں تمنّا
منظوری کا لمحہ بھی اسی در کی عطا ہے
Har lamha madine ki thi is dil mein tamanna
Manzoori ka lamha bhi isi dar ki ata hai
ایمان کی بنیاد ہے حبِ شہِؐ والا
حبِ شہِؐ والا بھی اسی در کی عطا ہے
Imaan ki buniyaad hai hub-e-Sheh-e-Wala
Hub-e-Sheh-e-Wala bhi isi dar ki ata hai
ہر سمت سے آتی ہیں اذانوں کی صدائیں
دعوت کا طریقہ بھی اسی در کی عطا ہے
Har simt se aati hain azaanon ki sadaaein
Dawat ka tareeqa bhi isi dar ki ata hai
ہے خلد بچھی منبر و مقصورہ کے مابین
جنت کا یہ تحفہ بھی اسی در کی عطا ہے
Hai khuld bichi manbar o maqsoorah ke maabain
Jannat ka yeh tohfa bhi isi dar ki ata hai
ہیں نعمتیں دنیا کی بھی اس در کی بدولت
بخشش کا وسیلہ بھی اسی در کی عطا ہے
Hain naimatein duniya ki bhi is dar ki badolat
Bakhshish ka waseela bhi isi dar ki ata hai
توقیر فزا داد ہے احباب کی مجھ کو
حسنِ لب و لہجہ بھی اسی در کی عطا ہے
Taqeer fiza daad hai ahbab ki mujhko
Husn-e-lab o lehja bhi isi dar ki ata hai
ملتی ہے جزا لاکھ نمازوں کی جہاں پر
وہ کعبہ وہ قبلہ بھی اسی در کی عطا ہے
Milti hai jaza lakh namazon ki jahan par
Woh Kaaba woh Qibla bhi isi dar ki ata hai
گویائی عنایت ہوئی اس سے مجھے طاہرؔ
’’مدحت کا قرینہ بھی اسی در کی عطا ہے‘‘
Goyaai inayat hui is se mujhe Tahir
"Midhat ka qareena bhi isi dar ki ata hai"
Share This Naat
Share with friends and family
وحدت کا عقیدہ بھی اسی در کی عطا ہے
پروفیسر محمد طاہر صدیقی