اگر قسمت سے میں ان کی گلی میں خاک ہو جاتا
غمِ کونین کا سارا بکھیڑا پاک ہو جاتا
Agar qismat se mein un ki gali mein khaak ho jata
Gham-e-konain ka sara bikhra paak ho jata
جو اے گل جامۂ ہستی تری پوشاک ہو جاتا
تو خارِ نیستی سے کیوں اُلجھ کے چاک ہو جاتا
Jo ae gul jama-e-hasti teri poshak ho jata
To khar-e-nisti se kyun uljha ke chaak ho jata
جو وہ اَبر کرم پھر آبروئے خاک ہو جاتا
تو اس کے دو ہی چھینٹوں میں زمانہ پاک ہو جاتا
Jo woh abr karam phir aabru-e-khaak ho jata
To is ke do hi chhento mein zamana paak ho jata
ہوائے دامنِ رنگیں جو ویرانہ میں آ جاتی
لباسِ گل میں ظاہر ہر خس و خاشاک ہو جاتا
Hawa-e-daman-e-rangin jo werana mein aa jaati
Libaas-e-gul mein zahir har khus o khashak ho jata
لب جاں بخش کی قربت حیاتِ جاوِداں دیتی
اگر ڈورا نفس کا ریشۂ مسواک ہو جاتا
Lab jaan bakhsh ki qurbat hayat-e-javdaan deti
Agar dora nafas ka resha-e-miswak ho jata
ہوا دل سوختوں کو چاہیے تھی اُن کے دامن کی
الٰہی صبح محشر کا گریباں چاک ہو جاتا
Hawa dil sukhston ko chahiye thi un ke daman ki
Ilahi subh-e-mahshar ka garebaan chaak ho jata
اگر دو بوند پانی چشمۂ رحمت سے مل جاتا
مری ناپاکیوں کے میل دُھلتے پاک ہو جاتا
Agar do boond paani chashma-e-rahmat se mil jata
Meri napaakiyon ke mail dhulte paak ho jata
اگر پیوند ملبوسِ پیمبر کے نظر آتے
ترا اے حلۂ شاہی کلیجہ چاک ہوجاتا
Agar pewand malboos-e-paigambar ke nazar aate
Tera ae hulla-e-shahi kaleja chaak ho jata
جو وہ گل سونگھ لیتا پھول مرجھایا ہوا بلبل
بہارِ تازگی میں سب چمن کی ناک ہو جاتا
Jo woh gul songh leta phool murjhaya hua bulbul
Bahaar-e-taazgi mein sab chaman ki naak ho jata
چمک جاتا مقدر جب دُرِ دَنداں کی طلعت سے
نہ کیوں رشتہ گہر کا ریشۂ مسواک ہوجاتا
Chamak jata muqaddar jab dur-e-dandan ki talat se
Na kyun rishta gohar ka resha-e-miswak ho jata
عدو کی آنکھ بھی محشر میں حسرت سے نہ منھ تکتی
اگر تیرا کرم کچھ اے نگاہِ پاک ہو جاتا
Adu ki ankh bhi mahshar mein hasrat se na munh takti
Agar tera karam kuch ae nigah-e-paak ho jata
بہارِ تازہ رہتیں کیوں خزاں میں دَھجیاں اُڑتیں
لباسِ گل جو اُن کی ملگجی پوشاک ہو جاتا
Bahaar-e-taaza rahtin kyu khazan mein dhjiyan urtin
Libaas-e-gul jo un ki milgaji poshak ho jata
کماندارِ نبوت قادر اندازی میں یکتا ہیں
دو عالم کیوں نہ ان کا بستۂ فتراک ہو جاتا
Kamaandar-e-nubuwwat qadir andazi mein yakta hain
Do aalam kyun na un ka basta-e-fitraq ho jata
نہ ہوتی شاق اگر دَر کی جدائی تیرے ذَرَّہ کو
قمر اِک اَور بھی روشن سر اَفلاک ہو جاتا
Na hoti shaq agar dar ki judai tere zarra ko
Qamar ek aur bhi roshan sar aflak ho jata
تری رحمت کے قبضہ میں ہے پیارے قلب ماہیت
مِرے حق میں نہ کیوں زہرِ گنہ تریاک ہو جاتا
Teri rahmat ke qabza mein hai pyare qalb mahiat
Mere haq mein na kyun zehr-e-gunah taryaq ho jata
خدا تارِ رَگِ جاں کی اگر عزت بڑھا دیتا
شراکِ نعل پاک سید لولاک ہو جاتا
Khuda taar-e-rag-e-jaan ki agar izzat barha deta
Shiraak-e-naal paak sayyid lolak ho jata
تجلی گاہِ جاناں تک اُجالے سے پہنچ جاتے
جو تو اے توسن عمر رَواں چالاک ہو جاتا
Tajalli gah-e-jaan tak ujale se pohnch jaate
Jo tu ae tosan umr rawaan chalaak ho jata
اگر تیری بھرن اے اَبر رحمت کچھ کرم کرتی
ہمارا چشمۂ ہستی اُبل کر پاک ہو جاتا
Agar teri bharn ae abr rahmat kuch karam karti
Hamara chashma-e-hasti ubal kar paak ho jata
حسنؔ اہل نظر عزت سے آنکھوں میں جگہ دیتے
اگر یہ مشت خاک اُن کی گلی کی خاک ہو جاتا
Hasan ehle nazar izzat se aankhon mein jagah dete
Agar ye musht e khaak un ki gali ki khaak ho jata
Share This Naat
Share with friends and family
اگر قسمت سے میں ان کی گلی میں خاک ہو جاتا
حسن رضا خان