مدینہ ونجف و کربلا میں رہتا ہے
دل ایک وضع کی آب وہوا میں رہتا ہے
Madina o Najaf o Karbala mein rehta hai
Dil aik wazah ki aab o hawa mein rehta hai
مرے وجود سے باہر بھی ہے کوئی موجود
جو میرے ساتھ سلام وثنا میں رہتا ہے
Mere wujood se bahir bhi hai koi mojood
Jo mere saath salam o sana mein rehta hai
میسّر آتی ہے جس شب قیام کی توفیق
وہ سارا دن مرا، ذکرِ خدا میں رہتا ہے
Mayassar aati hai jis shab qiyam ki taufiq
Woh saara din mera, zikr-e-Khuda mein rehta hai
غلامِ بوذر وسلمان دل، خوشی ہو کہ غم
حدودِ زاویۂ ھَل اُتیٰ میں رہتا ہے
Ghulam-e-Buzar o Salman dil, khushi ho keh gham
Hudood-e-Zawiya-e-Hal Ata mein rehta hai
درود پہلے بھی پڑھتا ہوں اور بعد میں بھی
اسی لیے تو اثر بھی دعا میں رہتا ہے
Durood pehle bhi parhta hoon aur baad mein bhi
Isi liye to asar bhi dua mein rehta hai
نکل رہی ہے پھر اک با حاضری کی سبیل
سو کچھ دنوں سے دل اپنی ہوا میں رہتا ہے
Nikal rahi hai phir ek ba hazri ki sabeel
So kuch dinon se dil apni hawa mein rehta hai
Share This Naat
Share with friends and family
مدینہ ونجف و کربلا میں رہتا ہے
افتخار عارف