جو بزمِ لامکاں پہنچا نبی میرا نبی میرا
شبِ اسریٰ کاہے دُولھا نبی میرا نبی میرا
Jo bazm-e-laMakaan pohncha nabi mera nabi mera
shab-e-israra kahay dolha nabi mera nabi mera
خدا واحد ہے جیسے عبد ہے رحمان کا واحِد
ہے محبوبِ خدا یکتا نبی میرا نبی میرا
khuda waahid hai jaisay abd hai rahman ka waahid
hai mahboob-e-khuda yakta nabi mera nabi mera
مہ و خُور انجمِ افلاک بھی جس کو کہیں اپنا
زمیں بولی فلک بولا نبی میرا نبی میرا
mah o khur anjum-e-aflaak bhi jis ko kahain apna
zamee boli falak bola nabi mera nabi mera
مقامِ سِدرہ و عرشِ بریں زیرِ قدم جِس کے
چٹائی پر ہے وہ لیٹا نبی میرا نبی میرا
maqam-e-Sidra o arsh-e-barin zair-e-qadam jis ke
chattai par hai woh layta nabi mera nabi mera
اُحد سونے کا بن کر ساتھ چلتا گر رضا ہوتی
کمی کُچھ بھی نہ رکھتا تھا نبی میرا نبی میرا
uhad sonay ka ban kar saath chalta gar raza hoti
kami kuch bhi na rakhta tha nabi mera nabi mera
شہِ کونین ہوکر پیٹ پر پتھر رہا باندھے
غلاموں کو عطا کرتا نبی میرا نبی میرا
shah-e-konain hokar peat par pathar raha baandhay
ghulamoon ko ata karta nabi mera nabi mera
وہ جوّاد و کریم ایسا گداؤں کے لئے اپنے
نہیں لب پر ہے جس کے لا نبی میرا نبی میرا
woh javad o kareem aisa gadaon ke liye apne
nahin lab par hai jis ke la nabi mera nabi mera
زبانیں حشرمیں سُوکھی غلاموں کی رہیں کیونکر
ہے مالک حوضِ کوثر کا نبی میرا نبی میرا
zabaanin hashr mein sookhi ghulamoon ki rahain kyun kar
hai malik hoz-e-kosar ka nabi mera nabi mera
کِسی کی بھی نہ اُمت خُلد پہنچے گی نہ کھولے گر
شفاعت کا وہ دروازہ نبی میرا نبی میرا
kisi ki bhi na ummat khuld pohnchay gi na kholay gar
shafaat ka woh darwaza nabi mera nabi mera
نوازش اپنے تو اپنے جو غیروں پر بھی فرمائے
جہاں میں ہے کوئی ایسا نبی میرا نبی میرا
nawazish apne to apne jokhairon par bhi farmaaye
jahaan mein hai koi aisa nabi mera nabi mera
نہ گھبراؤ گُنہگارو شفاعت کے لیئے دیکھو
مبارک ہو لو وہ آیا نبی میرا نبی میرا
na ghabraon Gunahgaro shafaat ke liye dekho
mubarak ho lo woh aaya nabi mera nabi mera
درود اُن پر سلام اُن پر یہ جاں اُن پر نِچھاور ہو
کہ جان و دل سے ہے پیارا نبی میرا نبی میرا
darood un par salam un par yeh jaan un par nichhavar ho
keh jaan o dil se hai pyara nabi mera nabi mera
مُجھے وہ بھی اگر اپنا کہیں تو لُطف ہے مرزا
وظیفہ ہے یہی میرا نبی میرا نبی میرا
mujhe woh bhi agar apna kahain to lutf hai mirza
wazifa hai yahi mera nabi mera nabi mera
Share This Naat
Share with friends and family
جو بزمِ لامکاں پہنچا نبی میرا نبی میرا
مرزا جاوید بیگ عطاری