فلک سے اُونچا مقام میرا ہو یا مُحمّدؐ
تمھارے قدموں تلے بسیرا ہو یا مُحمّدؐ
Falak se ooncha maqam mera ho ya Muhammadؐ
Tumhare qadmoun tale basira ho ya Muhammadؐ
تمھاری پر چھائیوں سے مَیں بھی لپٹ کے دیکھوں
طلوع مُجھ سے بھی اِک سویرا ہو یا مُحمّدؐ
Tumhari parchhaiyon se mai bhi lipat ke dekhoun
Tulu mujh se bhi ik savera ho ya Muhammadؐ
تمھاری آواز جذب کر لوں سماعتوں میں
تمھاری خوشبو مِرا پھریرا ہو یا مُحمّؐد
Tumhari aawaaz jazb kar loon smaaton mein
Tumhari khushboo mera phareera ho ya Muhammadؐ
زمانہ ہوش سے یہ آنکھیں بھی منتظر ہیں
کبھی تمھارا ادھر بھی پھیرا ہو یا مُحمّؐد
Zamana hosh se ye aankhein bhi muntazir hain
Kabhi tumhara idhar bhi phera ho ya Muhammadؐ
نہ ہو مِرے نامہء عمل پر کوئی سیاہی
نہ میرے اندر کبھی اندھیرا ہو یا مُحمّؐد
Na ho mere nama e amal par koi siyahi
Na mere andar kabhi andhera ho ya Muhammadؐ
وہ توڑ ڈالے نہ کیوں حصارِ وجود اپنا
تمھاری بانّہوں نے جس کو گھیرا ہو یا مُحمّؐد
Woh tod dalay na kyun hisar e wujood apna
Tumhari baanhoun ne jis ko ghera ho ya Muhammadؐ
خُدا کرے حشر تک مُظفؔر کی قبر میں بھی
تمھارے رحم و کرم کا ڈیرا ہو یا مُحمّدؐ
Khuda kare hashr tak Muzaffar ki qabar mei bhi
Tumhare rahm o karam ka dera ho ya Muhammadؐ
٭
٭
Share This Naat
Share with friends and family
فلک سے اُونچا مقام میرا ہو یا مُحمّدؐ
مظفر وارثی