بہارِ ذکرِ احمد سے جو بیگانہ نہیں ہوتا ،
وہ دل فردوس بن جاتا ہے ویرانہ نہیں ہوتا
Bahar-e-zikr-e-Ahmad se jo begaana nahi hota,
woh dil firdous ban jaata hai veraana nahi hota
یہی ایمان ہے ایمانِ کامل کی ضمانت بھی
محمدؐ کا جو دیوانہ ہے دیوانہ نہیں ہوتا
Yehi imaan hai imaan-e-kaamil ki zamaanat bhi
Muhammad (SAW) ka jo deewaana hai deewaana nahi hota
مری بے مائگی پہ ہنسنے والو یہ بھی سوچا ہے
وہ خود ان کے ہیں جنکے پاس نذرانہ نہیں ہوتا
Meri be maigi pe hansne waalo ye bhi socha hai
Woh khud un ke hain jinke paas nazraana nahi hota
نبی ؐ کے میکدے میں اَور ہیں آدابِ مے نوشی
یہاں آنکھوں سے پی جاتی ہے پیمانہ نہیں ہوتا
Nabi (SAW) ke maikade mein aur hain adaab-e-may noshi
Yahan aankhon se pi jaati hai paimana nahi hota
نظر کو ویراں سکوں برباد دل ناشاد ہی رہتا
اگر میں سرورِ عالمؐ کا دیوانہ نہیں ہوتا
Nazar ko vera sakoon barbaad dil naashaad hi rehta
Agar main Suroor-e-Alam (SAW) ka deewaana nahi hota
شہادت گاہ تک تو عشق کو جانا ہی نہیں ہوتا
نہ ہو جو شمع پر قربان پروانہ نہیں ہوتا
Shahadat gaah tak toh ishq ko jaana hi nahi hota
Na ho jo shama par qurbaan parwaana nahi hota
لئے پھرتا ہے میخانے کا میخانہ نگاہوں میں
جو ان کا مست ہے مرہونِ میخانہ نہیں ہوتا
Liye phirta hai maikhane ka maikhana nigahon mein
Jo un ka mast hai marhoon-e-maikhana nahi hota
تمہارا نام ہی خالدؔ کے افسانے کا عنوان ہے
حقیقت آشنا ورنہ یہ افسانہ نہیں ہوتا
Tumhara naam hi Khalid ke afsaane ka unwaan hai
Haqeeqat aashna warna ye afsaana nahi hota
Share This Naat
Share with friends and family
بہارِ ذکرِ احمد سے جو بیگانہ نہیں ہوتا ،
خالد محمود خالد