جس کو دیارِ عشق کی منزل نہیں قبول
اُس کا ہر ایک دعوٰی ہے باطِل، نہیں قبول
Jis ko diyaar-e-ishq ki manzil nahi qabul
Us ka har aik daawa hai baatil, nahi qabul
دل میں خُداُ کی یاد ہو یا مُصطفٰےْ کی یاد
دل گر ہوا ہو دونوں سے غافل، نہیں قبول
Dil mein Khuda ki yaad ho ya Mustafa ki yaad
Dil gar hua ho dono se ghafil, nahi qabul
رونق ہر ایک بزم کی ذکرِ نبی سے ہے
جس میں نہیں ہے ذکر وہ محفِل نہیں قبول
Ronaq har aik bazm ki zikr-e-nabi se hai
Jis mein nahi hai zikr wo mahfil nahi qabul
عشق و وفا کا آپ سے، دعوٰی تو ہو مگر
پھر بھی رہے وہ غیر سے واصِل،نہیں قبول
Ishq-o-wafa ka aap se, da'awa to ho magar
Phir bhi rahe wo gair se waasil, nahi qabul
اپنے تئیں تو ہو بڑا عالِم مگر جسے
اُن کی نہیں شناس وہ جاہل نہیں قبول
Apne tayi to ho bara aalim magar jisay
Un ki nahi shanas wo jahil nahi qabul
جس کو درِ رسول کا پاسِ ادب نہ ہو
ایسا کوئی بھی عالِم و فاضِل نہیں قبول
Jis ko dar-e-Rasool ka paas-e-adab na ho
Aisa koi bhi aalim-o-faazil nahi qabul
جس کی نظر میں بس گیا طیبہ نگر کا چاند
اُس کو فلک کا پھر مہِ کامل نہیں قبول
Jis ki nazar mein bas gaya Tayba nagar ka chaand
Us ko falak ka phir mah-e-kaamil nahi qabul
اعمال کی کسوٹی ہے سُنّت رسول کی
سنت سے منحرف ہے جو عامِل، نہیں قبول
Aamal ki kasoti hai sunnat Rasool ki
Sunnat se munharif hai jo aamil, nahi qabul
جو منصبِ قضا پہ نہیں عدل کر سکا
اللہ ﷻ کے حضور میں عادِل نہیں قبول
Jo mansab-e-qaza pe nahi adal kar saka
Allah ﷻ ke huzoor mein aadil nahi qabul
نافع نہیں ہے علم جو مخلوق کے لئے
ایسے کسی بھی عِلم کا حامِل نہیں قبول
Nafi nahi hai ilm jo makhlooq ke liye
Aise kisi bhi ilm ka haamil nahi qabul
جس میں خیالِ ارضِ مدینہ نہ ہو جلیل
اللہ ﷻ کو بھی وہ دلِ غافل نہیں قبول
Jis mein khayal-e-arz-e-Madina na ho Jaleel
Allah ﷻ ko bhi wo dil-e-ghafil nahi qabul
Share This Naat
Share with friends and family
جس کو دیارِ عشق کی منزل نہیں قبول
حافظ عبدالجلیل