مسکرائیں گے غم کے مارے جب
ڈھونڈ لیں گے ترے سہارے جب
Muskrayenge gham ke maray jab
dhoondh lengay teray saharay jab
ہر نظارے سے پھیرلیں آنکھیں
نظر آئے ترے نظارے جب
har nazaray se phair len aakhein
nazar aaye teray nazaray jab
کام آتی ہے صرف آپ کی یاد
ٹوٹ جاتے ہیں سب سہارے جب
kaam aati hai sirf aap ki yaad
toot jatay hain sab saharay jab
دستگیری حضورؐ کرتے ہیں ،
نظرآتے نہیں کنارے جب
dastegiri huzoor ؐ karte hain,
nazar aate nahi kinare jab
ہر خزانے سے بھر گئی جھولی ،
ہم نے پائے ترے اُتارے جب
har khazane se bhar gayi jhooli,
hum ne paye teray utaray jab
کیا ہے بخشش میں شک کی گُنجائش
حامی سرکارؐ ہیں ہمارے جب
kya hai bakhshish mein shak ki gunjaish
haami sarkar ؐ hain hamaray jab
ہر سہارے سے بے نیاز ہوا
میں چلا آپؐ کے سہارے جب
har saharay se bay niyaaz hua
mein chala aap ؐ ke saharay jab
تھام لینا حضورؐ کا دامن
نا امیدی تمہیں پکارے جب
thaam lena huzoor ؐ ka daaman
na umeedi tumhein pukaray jab
اعتبارِ کرم بڑھا خالدؔ
کام سرکارؐ نے سنوارے جب
aetibar-e-karam barha Khalid
kaam sarkar ؐ ne sanware jab
Share This Naat
Share with friends and family
مسکرائیں گے غم کے مارے جب
خالد محمود خالد