آئی بہارِ زیست مُقدّ ر سَنبھل گئے
سَر کار کے قدم مِری قِسمت بَدل گئے
Aai bahar-e-zist muqaddar sambhal gae
Sarkar ke qadam meri qismat badal gae
آیا نظر جو گنبدِ خِضرا خُدا گواہ
جذبات میرے نور کے سانچے میں ڈھل گئے
Aaya nazar jo gunbad-e-khazra khuda gawah
Jazbat mere noor ke sanche mein dhal gae
یہ جان کر وہ بار گہہِ کار ساز ہے
طیبہ کی سِمت اہلِ نظر سَر کے بل گئے
Ye jaan kar wo baar gah-e-kar saz hai
Tayba ki simt ahl-e-nazar sar ke bal gae
فیضانِ مُصطفٰے تھا کہ ہم رَاہِ عِشق میں
سَو بار لڑکھڑائے مگر پھِر سَنبھل گئے
Faizan-e-Mustafa tha ke hum rah-e-ishq mein
Sau baar ladkharae magar phir sambhal gae
صَلِّ علیٰ یہ نامِ مُحّمدؐ کی برکتیں
طُوفان آفتوں کے مِرے سر سے ٹل گئے
Salli Ala ye naam-e-Muhammadﷺ ki barkatain
Toofan aafton ke mere sar se tal gae
ہَر مَنصب و وقار نے بڑھ کر قد م لیے
سرکار کے غُلام جِدھر سے نِکل گئے
Har mansab o waqar ne badh kar qadam liye
Sarkar ke ghulam jidhar se nikal gae
خالِدؔ جو اُن کا نام لِیَا ظلمتیں چھٹیں !
لاکھوں چَراغ خود مِری رَاہوں میں جل گئے
Khalid jo un ka naam liya zulmatein chhuti
Lakhon charagh khud meri rahon mein jal gae
Share This Naat
Share with friends and family
آئی بہارِ زیست مُقدّ ر سَنبھل گئے
خالد محمود خالد