naat
نور و نکہت کی ہونے لگیں بارشیں پھول رحمت کے ہر سو بکھرنے لگے
نور و نکہت کی ہونے لگیں بارشیں پھول رحمت کے ہر سو بکھرنے لگے
مرحبا مرحبا آ گئے مصطفیٰ سب کے بگڑے مقدر سنورنے لگے
Noor-o-nikhat ki honay lagin barishain phool rehmat ke har soo bikhrne lage
marhaba marhaba aa gaye Mustafa sab ke bigray muqaddar sanwrne lage
اجڑا اجڑا تھا ہر سمت باغ جہاں غم کے طوفاں کہیں اور کہیں آندھیاں
آگئے جس گھڑی سرور دو جہاں حسن کے رنگ سارے نکھرنے لگے
Ujda ujda tha har simt baagh jahan gham ke toofaan kahin aur kahin aandhiyan
aagay jis ghari Saroor e do jahan husn ke rang saaray nikharnay lage
رحمت مصطفیٰ جب ہوئی موجزن خوب چمکا مرادوں سے دل کا چمن
ہو گئی اپنے آقا سے جس کو لگن نام خیر الوریٰ پر وہ مرنے لگے
Rehmat e Mustafa jab hui maujzan khub chamka muraadon se dil ka chaman
ho gayi apne aaqa se jis ko lagan naam khair al-wara par woh marne lage
مصطفیٰ کی عنایت کے در کھل گئے ہر سخی کیلئے ہر گدا کیلئے
صدقے بٹنے لگے ہر سو سرکار کے ہم فقیروں کے کشکول بھرنے لگے
Mustafa ki inayat ke dar khul gaye har sakhi ke liye har gada ke liye
sadqay bat’ne lage har soo sarkar ke hum faqiron ke kashkol bharnay lage
کوئی مشکل رہی اور نہ دنیا کا غم ہو گیا سرور دو جہاں کا کرم
لوگ نام نبی پر خدا کی قسم اپنا سب کچھ ہی قربان کرنے لگے
Koi mushkil rahi aur na duniya ka gham ho gaya Saroore do jahan ka karam
log naam nabi par Khuda ki qasam apna sab kuch hi qurban karne lage
زیست کا لمحہ لمحہ امر ہو گیا مرحلہ جو بھی پیش آیا سر ہو گیا
میرا آباد دل کا نگر ہو گیا وہ خیالوں سے میرے گزرنے لگے
Zeest ka lamha lamha amar ho gaya marhala jo bhi paish aaya sar ho gaya
mera aabaad dil ka nagar ho gaya woh khayalon se mere guzarnay lage
موہ لئے دو جہاں آپ کے پیار نے میٹھی میٹھی محمد کی گفتار نے
بول جو بھی کہے میرے سرکار نے بن کے خوشبو دلوں میں اُترنے لگے
Moh liye do jahan aap ke pyaar ne meethi meethi Muhammad ki guftaar ne
bol jo bhi kahe mere Sarkar ne ban ke khushboo dilon mein utrne lage
زندگانی ہماری تھی زیر و زبر ہو گئی شاہ کون و مکاں کی نظر
غم کے دریا نیازی جو تھے جوش پر دھیرے دھیرے وہ سارے اترنے لگے
Zindagani hamari thi zer o zabar ho gayi Shah e kon o makaan ki nazar
gham ke darya Niyaazi jo the josh par dheere dheere woh saaray utrne lage
Share This Naat
Share with friends and family
نور و نکہت کی ہونے لگیں بارشیں پھول رحمت کے ہر سو بکھرنے لگے
عبدالستار نیازی