جس طرف چشم محمدﷺ کے اشارے ہو گئے
جتنے ذرے سامنے آئے ستارے ہو گئے
Jis taraf chashm e Muhammadﷺ ke isharay ho gaye
Jitne zarray samnay aaye sitaray ho gaye
جب کبھی عشق محمدﷺ کی عنایت ہو گئی
میرے آنسو کوثر و زمزم کے دھارے ہو گئے
Jab kabhi ishq e Muhammadﷺ ki inayat ho gayi
Mere aansu kausar o zamzam ke dharay ho gaye
موجہ طوفاں میں جب نام محمدﷺ لے لیا
ڈوبتی کشتی کے تنکے ہی سہارے ہو گئے
Moj e toofan mein jab naam e Muhammadﷺ le liya
Doobti kashti ke tinkay hi saharay ho gaye
یا محمدﷺ آپ کی نظروں کا یہ اعجاز ہے
جس طرف نظریں اٹھیں سب تمہارے ہو گئے
Ya Muhammadﷺ aap ki nazron ka ye eijaaz hai
Jis taraf nazrein uthin sab tumhare ho gaye
میں ہوں اور یاد مدینہ اور ہیں تنہائیاں
پنے بیگانے سبھی مجھ سے کنارے ہو گئے
Main hoon aur yaad e Madina aur hain tanhaiyaan
Pane begaane sabhi mujh se kinare ho gaye
اپنی کملی کا ذرا سایہ عنایت ہو مجھے
دل کے دشمن یا محمدﷺ دل سے پیارے ہو گئے
Apni kamli ka zara saaya inayat ho mujhe
Dil ke dushman ya Muhammadﷺ dil se pyaare ho gaye
Share This Naat
Share with friends and family
جس طرف چشم محمدﷺ کے اشارے ہو گئے
ساغر صدیقی