میں نے جب آپ کی دہلیز کو آقاؐ چوما
یوں لگا آپ نے جیسے مرا ماتھا چوما
Main ne jab aap ki dehleez ko aaqaؐ chooma
Yun laga aap ne jaise mera matha chooma
ہونٹ فارغ ہوئے پل بھر کو نہ آنکھیں میری
کبھی جالی کبھی روضہ کبھی پردہ چوما
Honth farigh hue pal bhar ko na aankhein meri
Kabhi jali kabhi roza kabhi pardah chooma
آپ کے خواب میں دیکھا تو مقدر جاگے
جھوم اٹھا نعت پڑھی رو دیا لپٹا چوما
Aap ke khwab mein dekha to muqaddar jaage
Jhoom utha naat padhi ro diya lipta chooma
ان کے قدموں کی طرف لے گئے جب ہونٹ مجھے
ہونٹ بھی نقش قدم بن گئے اتنا چوما
Un ke qadmon ki taraf le gaye jab honth mujhe
Honth bhi naqsh qadam ban gaye itna chooma
سفر عرش پہ لے جانے کو جبریل جب آئے
اپنے رخسار سے مہتاب کف پا چوما
Safar arsh pe le jane ko Jibreel jab aaye
Apne rukhsar se mehtab kaf pa chooma
سنگِ اسود کو دیا بوسہ تو محسوس ہوا
سنگِ اسود کو نہیں ہاتھ خدا کا چوما
Sang-e-Aswad ko diya bosa to mehsoos hua
Sang-e-Aswad ko nahi haath Khuda ka chooma
میں بتاتا ہوں تمہیں عشق نوردی کیا ہے
ایک آہٹ کے لیے سارا مدینہ چوما
Main batata hoon tumhe ishq nawardi kya hai
Ek aahat ke liye saara Madina chooma
شہد سا دوڑ گیا ہے مری شریانوں میں
جب کبھی پڑھ کے درود اپنا انگوٹھا چوما
Shehad sa daud gaya hai meri sharyanon mein
Jab kabhi parh ke durood apna angootha chooma
منزلیں رہتی ہیں سینے میں مظفر میرے
وہ جدھر سے بھی گئے ہیں میں نے وہ رستہ چوما
Manzilen rahti hain seene mein Muzaffar mere
Woh jidhar se bhi gaye hain main ne woh rasta chooma
Share This Naat
Share with friends and family
میں نے جب آپ کی دہلیز کو آقاؐ چوما
مظفر وارثی