پایا جو لطف شاہِ مدینہؐ کی چاہ میں
ممکن نہیں تھا شوکتِ شاہی میں، جاہ میں
Paaya jo lutf Shah-e-Madinaؐ ki chaah mein
Mumkin nahin tha shaukat-e-shahi mein, jaah mein
اے شافعِ اُممؐ مجھے خود ہی سنبھالئے
گزری ہے میری عمر مسلسل گناہ میں
Ae Shafi-e-ummamؐ mujhe khud hi sambhaliye
Guzri hai meri umar musalsal gunah mein
سن کر ترےؐ ہی فیض کا شہرہ بطورِ خاص
آئے ہیں یا کریمؐ تریؐ بارگاہ میں
Sun kar tareؐ hi faiz ka shohra bator-e-khaas
Aaye hain ya Kareemؐ tereؐ baargaah mein
ملتی ہے مہر و ماہ کو نورِ نبیؐ کی بھیک
ضوریزیوں کی کب تھی سکت مہر و ماہ میں
Milti hai mehr o maah ko noor-e-Nabiؐ ki bheek
Zuureezion ki kab thi sakat mehr o maah mein
در پیش ہر قدم پہ مدینے کا ہو سفر
آئے اجل بھی کاش مدینے کی راہ میں
Dar paish har qadam pe Madine ka ho safar
Aaye ajal bhi kaash Madine ki raah mein
جس آن ہو شمارِ غلامانِ مصطفیٰؐ
اشفاقؔ کو بھی رکھنا خدارا نگاہ میں
Jis aan ho shumaar-e-ghulaman-e-Mustafaؐ
Ashfaqؔ ko bhi rakhna Khudara nigaah mein
Share This Naat
Share with friends and family
پایا جو لطف شاہِ مدینہؐ کی چاہ میں
اشفاق احمد غوری