’’وَالضُحٰی‘‘ پر گُفتگُو ہونے لگی
روشنی سی چار سُو ہونے لگی
"wal-duha" par guftagu hone lagi
roshni si char su hone lagi
آپ سے منسوب ہے ، سو اِس لئے
بے ہنر کی آبرو ہونے لگی
aap se mansoob hai, so is liye
be hunar ki aabru hone lagi
آپ ﷺ کے در پر ٹِھکانہ مل گیا
’’پھر ہماری جُستجو ہونے لگی‘‘
aap ﷺ ke dar par thikana mil gaya
"phir hamari justuju hone lagi"
درد مندوں کا مسیحا آ گیا
ہر جگہ یہ گُفتگُو ہونے لگی
dard mando ka maseeha aa gaya
har jagah ye guftagu hone lagi
خواب میں تھی حاضری کی آرزو
شُکر ہے ! وہ رُوبرو ہونے لگی
khwab mein thi hazri ki aarzu
shukar hai! wo roobaru hone lagi
ذِکر تیرا رب نے اُونچا کر دیا
تیری مدحت کُو بکُو ہونے لگی
zikr tera Rab ne ooncha kar diya
teri mad'hat ku baku hone lagi
جیسی دیکھی حاضری تھی خواب میں
جاگتے میں ہُو بہُو ہونے لگی
jaisi dekhi hazri thi khwab mein
jagte mein hu bahu hone lagi
اشکباری جب وطیرہ بن گیا
آنکھ تب سے باوضُو ہونے لگی
ashkbari jab watira ban gaya
aankh tab se bawuzu hone lagi
جب ہوا صلِ علٰی وردِ زباں
عشقِ احمد ﷺ میں نمُو ہونے لگی
jab hua salli ala wird-e-zuban
ishq-e-Ahmed ﷺ mein numu hone lagi
حاضری کا مل گیا مُژدہ جلیل
چشمِ دل پھر قبلہ رُو ہونے لگی
hazri ka mil gaya mujda jaleel
chashm-e-dil phir qibla ru hone lagi
Share This Naat
Share with friends and family
’وَالضُحٰی پر گُفتگُو ہونے لگی
حافظ عبدالجلیل