مِرے سرکار کے جیسا رخِ انور کسی کا ہے ؟
کہو جبریل تم نے تو زمانہ سارا دیکھا ہے
Mire Sarkar ke jaisa rukh-e-anwar kisi ka hai?
Kaho Jibreel tumne to zamana sara dekha hai.
مِرے سرکار کا حسن و جمال ایسا انوکھا ہے
نہ کوئی اُن سے اچھا ہے نہ کوئی اُن کے جیسا ہے
Mire Sarkar ka husn o jamal aisa anokha hai
Na koi un se accha hai na koi un ke jaisa hai.
عمل میں زائرو! لا ترفعوا اصواتکم رکھو
ادب کی جا ہے یہ یعنی مِرے آقا کا روضہ ہے
Amal mein zaoiro! La Tarfao Aswatakum rakho
Adab ki ja hai ye yaani mire Aaqa ka roza hai.
درِ آقا سے پایا ہے چمکنے کا ہنر خور نے
قمر نے بھی اسی در سے لباسِ نور پایا ہے
Dar-e-Aaqa se paaya hai chamakne ka hunar khor ne
Qamar ne bhi isi dar se libas-e-noor paaya hai.
جُڑے رہنا نبی سے زندگی کا ماحصل کہیے
نبی سے دور رہنے میں خسارہ ہی خسارہ ہے
Jure rehna Nabi se zindagi ka mahasil kahiye
Nabi se door rehne mein khasara hi khasara hai.
مجھے پھر بخش دے آب و ہوا یا رب مدینے کی
بہت ہی برکتوں والا وہاں کا آب و دانہ ہے
Mujhe phir bakhsh de aab-o-hawa ya Rab Madine ki
Bohat hi barkaton wala wahan ka aab o dana hai.
خداوندا ! مِرے دل کی تمنا کاش بر آئے
’’ مجھے اُن کی گلی میں جا کے مرنے کی تمنا ہے‘‘
Khadawanda! Mire dil ki tamanna kaash bar aaye
“Mujhe un ki gali mein ja ke marne ki tamanna hai.”
سرِ محشر سجی ہوگی جہاں محفل شفاعت کی
وہاں پوچھیں اگر آقا مجھے تو پوچھنا کیا ہے
Sare Mahshar saji hogi jahan mahfil shafaat ki
Wahan puchein agar Aaqa mujhe to poochna kya hai
بَلائیں میرے دروازے پر آکر لوٹ جاتی ہیں
مِرے گھر پر نبی کے روضۂ انورکا طغرا ہے
Balaein mere darwaze par aakar laut jaati hain
Mire ghar par Nabi ke roza-e-anwar ka taghra hai.
یہاں بھی کام آتا ہے سرِ محشر بھی آئے گا
ہمارے پاس غوثِ پاک کا ایسا وسیلہ ہے
Yahan bhi kaam aata hai sare mahshar bhi aaye ga
Hamare paas Ghaus-e-Pak ka aisa wasila hai.
Share This Naat
Share with friends and family
مِرے سرکار کے جیسا رخِ انور کسی کا ہے ؟
شفیق ؔ رائے پوری