مجھ پہ بھی چشم کرم اے مِرے آقا! کرنا
حق تو میرا بھی ہے رحمت کا تقاضا کرنا
Mujh pe bhi chashm karam ae mire aaqa! karna
Haq to mera bhi hai rehmat ka taqaza karna
مَیں کہ ذرّہ ہُوں مجھے وسعتِ صحرا دے دے
کہ ترے بس میں ہے قطرے کو بھی دریا کرنا
Main ke zarra hoon mujhe wusat-e-sehra de de
Ke tere bas mein hai qatre ko bhi darya karna
مَیں ہُوں بے کس، ترا شیوہ ہے سہارا دینا
میں ہُوں بیمار ترا کام ہے اچھا کرنا
Main hoon be-kas, tera shewa hai sahara dena
Main hoon bemar tera kaam hai acha karna
تُو کسی کو بھی اُٹھاتا نہیں اپنے در سے
کہ تری شان کے شایاں نہیں ایسا کرنا
Tu kisi ko bhi uthata nahi apne dar se
Ke teri shan ke shayan nahi aisa karna
تیرے صدقے، وہ اُسی رنگ میں خود ہی ڈوبا
جس نے، جس رنگ میں چاہا مجھے رُسوا کرنا
Tere sadqe, woh usi rang mein khud hi dooba
Jis ne, jis rang mein chaha mujhe ruswa karna
یہ ترا کام ہے اے آمنہؓ کے دُرِّ یتیم!
ساری اُمّت کی شفاعت، تنِ تنہا کرنا
Ye tera kaam hai ae amna (R) ke dur-e-yateem!
Saari ummat ki shafaat, tan tanha karna
کثرتِ شوق سے اوسان مدینے میں ہیں گُم
نہیں کھُلتا کہ مجھے چاہیے کیا کیا کرنا
Kasrat-e-shauq se osaan madine mein hain gum
Nahi khulta ke mujhe chahiye kya kya karna
یہ تمنائے محبت ہے کہ اے داورِ حشر!
فیصلہ میرا سپردِ شہِؐ بطحا کرنا
Ye tamana-e-mohabbat hai ke ae dawar-e-hashr!
Faisla mera supurd-e-sheh botoha karna
آلؓ و اصحابؓ کی سنت، مِرا معیارِ وفا
تری چاہت کے عوض، جان کا سودا کرنا
Aal (R) o ashab (R) ki sunnat, mira miar-e-wafa
Teri chahat ke ewaz, jaan ka sauda karna
شاملِ مقصدِ تخلیق یہ پہلو بھی رہا
بزمِ عالم کو سجا کر ترا چرچا کرنا
Shamil-e-maqsad-e-takhleeq ye pehlu bhi raha
Bazm-e-alam ko saja kar tera charcha karna
تیرے آگے وہ ہر اک منظر فطرت کا ادب
چاند سورج کا وہ پہروں تجھے دیکھا کرنا
Tere aage woh har ik manzar fitrat ka adab
Chaand sooraj ka woh pehro tujhe dekha karna
طبع ِاقدس کے مطابق وہ ہواؤں کا خرام
دھوپ میں دوڑ کے وہ ابر کا سایا کرنا
Taba-e-aqdas ke mutabiq woh hawaon ka khiram
Dhoop mein daur ke woh abr ka saaya karna
یہ صراحت وَرَفَعْنَا لَکَ ذِکْرَکْ میں ہے
تیری تعریف کرانا، تجھے اُنچا کرنا
Ye sarahat WA RAFAANA LAKA ZIKRAK mein hai
Teri tareef karana, tujhe uncha karna
دشمن آجائے تو اُٹھ کر وہ بچھانا چادر
حُسنِ اخلاق سے غیروں کو وہ اپنا کرنا
Dushman aajaye to uth kar woh bichana chadar
Husn-e-akhlak se ghairoon ko woh apna karna
کوئی فاروقؓ سے پوچھے کہ کسے آتا ہے
دل کی دُنیا کو نظر سے تہ و بال کرنا
Koi Farooq (R) se poochhe ke kise aata hai
Dil ki duniya ko nazar se tah o baal karna
اُن صحابہؓ کی خوش اطوار نگاہوں کو سلام
جن کا مسلک تھا، طوافِ رُخِ زیبا کرنا
Un sahaba (R) ki khush atwaar nigahon ko salam
Jin ka maslak tha, tawaaf-e-rukh-e-zeeba karna
مجھ پہ محشر میں نصیرؔ اُن کی نظر پڑ ہی گئی
‘‘کہنے والے اِسے کہتے ہیں ’’خدا کا کرنا
Mujh pe mahshar mein Naseer (R) un ki nazar par hi gayi
"Kehtay walay isay kehte hain" "Khuda ka karna"
Share This Naat
Share with friends and family
مجھ پہ بھی چشم کرم اے مِرے آقا! کرنا
سید نصیرالدیں نصیر