کتنے حسیں ہیں گیسو و رُخسارِ مصطفیٰؐ
ہر کوئی لگ رہا ہے طلبگارِ مصطفیٰؐ
Kitne haseen hain geso o rukhsaar-e-Mustafa ﷺ
Har koi lag raha hai talabgaar-e-Mustafa ﷺ
محشر میں تیز دُھوپ کا عالم ہو جس گھڑی
مل جائے مجھ کو سایہء دیوارِ مصطفیٰؐ
Mahshar mein tez dhoop ka aalam ho jis ghari
Mil jaye mujh ko sayaa-e-deewar-e-Mustafa ﷺ
لایا ہوں چن کے آیتیں قرآنِ پاک سے
کہنی ہے نعت برسرِ دربارِ مصطفیٰؐ
Laaya hoon chun ke aayatein Qur'an-e-Paak se
Kehni hai naat barsar-e-darbar-e-Mustafa ﷺ
روشن ہیں چاند تارے محمدؐ کے نور سے
پھیلے ہیں دو جہان میں انوارِ مصطفیٰؐ
Roshan hain chaand taare Muhammad ﷺ ke noor se
Phailay hain do jahan mein anwaar-e-Mustafa ﷺ
جو آپؐ کی رضا ہے وہ مولا کی ہے رضا
آیاتِ دل نشین ہیں گفتارِ مصطفیٰؐ
Jo Aap ﷺ ki raza hai woh Maula ki hai raza
Aayat-e-dil nasheen hain guftaar-e-Mustafa ﷺ
رُوح الامینؑ ’’سدرا‘‘ سے آگے نہ جا سکے
وہم و گماں سے تیز تھی رفتارِ مصطفیٰؐ
Rooh-ul-Ameen (as) "Sidra" se aage na jaa sake
Vahm o gumaan se tez thi raftaar-e-Mustafa ﷺ
ہر سو ملائکہؑ نے بچھائے ہوئے ہیں پر
جنت نشاں ہیں، کوچہ و بازارِ مصطفیٰؐ
Har su mala'ikah (as) ne bichaye hue hain par
Jannat nashaan hain, koocha o bazaar-e-Mustafa ﷺ
Share This Naat
Share with friends and family
کتنے حسیں ہیں گیسو و رُخسارِ مصطفیٰؐ
اشفاق احمد غوری