بعثتِ سرور کے صدقے سج گئی بزمِ نشاط
رقص میں ہے غمزدوں کے لب پہ جامِ انبساط
Ba'sat-e-Sarwar ke sadqe saj gayi bazm-e-nashat
Raqs mein hai ghamzadoun ke lab pe jaam-e-inbisat
ہادیِ کونین آئے رہبری کے واسطے
مل گئی بھٹکی ہوئی دنیا کو منزل کی صراط
Hadi-e-Kounain aaye rehberi ke wastay
Mil gayi bhatki hui duniya ko manzil ki sirat
جلوہ گر آنچل میں ان کے جب ہوئے دُرِ یتیم
مل گئی دائی حلیمہ کو متاعِ انبساط
Jalwa gar anchal mein unke jab huwe Dur-e-Yateem
Mil gayi daayi Haleema ko mataa-e-inbisat
جس پہ ہوگی حشر میں چشمِ کرم سرکار کی
بالیقیں آسان ہوگی اس کی راہِ پُل صراط
Jis pe hogi hashr mein chashm-e-karam Sarkar ki
Baliyaqeen aasan hogi uski raah-e-pul sirat
جس کو حاصل ہو گئی آقاؐ کی سچی معرفت
عالمِ فانی ہے اس کے واسطے مثلِ رباط
Jis ko hasil ho gayi Aaqaؐ ki sacchi marifat
Alam-e-fani hai us ke wastay misal-e-Ribat
چھوڑ کر سُنت نبیؐ کو ہم ہیں رسوا ہر طرف
حیف پھر بھی ہیں غریقِ نشّۂ عیش و نشاط
Chor kar sunnat Nabiؐ ko hum hain ruswa har taraf
Haif phir bhi hain ghariq-e-nasha-e-aish o nashat
خوفِ رب، حُبِ نبیؐ سے ہوگئے خالی قلوب
قوم پر آیا نہیں یوں ہی زوال و انحطاط
Khauf-e-Rab, Hubb-e-Nabiؐ se hogaye khaali qulub
Qoum par aaya nahi youn hi zawal o inhitat
صاحبِ اخلاق ہوتے ہیں غلامانِ نبیؐ
رکھتے ہیں قول و عمل میں وہ جمالِ اختلاط
Saahib-e-ikhlaq hote hain ghulaman-e-Nabiؐ
Rakhte hain qoul o amal mein woh jamal-e-ikhtilat
ہے بہت ہی پُر خطر مدحت نگاری کی ڈگر
ہر سطر با ہوش احسؔن ہر قدم با احتیاط
Hai bohot hi pur khatar mad'hat nigari ki dagar
Har satar ba hosh Ahsan har qadam ba ehtiyat
Share This Naat
Share with friends and family
بعثتِ سرور کے صدقے سج گئی بزمِ نشاط
احسن اعظمی