میں بُوہے پلکاں دے اک پل نہ ڈھوواں یا رسول اللہ
تساڈی یاد وچہ تڑفاں تے روواں یارسول اللہ
Main boohe palkaan de ik pal na dhova ya Rasool Allah
Tasadi yaad vich tarfan te rowa ya Rasool Allah
زمانہ ہر قدم تے ڈیگ دا مینوں رہوے آقا
کرم تیرے تھیں مڑ مڑ میں کھلوواں یارسول اللہ
Zamana har qadam te deeg da mainu rahove aqa
Karam tere thiyan mar mar main khalova ya Rasool Allah
چراغاں کر لواں میں دل دیاں تاریک راتاں وچ
نساڈے غم دیاں لے لے کے لوواں یارسول اللہ
Charaghan kar lawaan main dil diyan tareek rataan vich
Nasade gham diyan le le ke lovaan ya Rasool Allah
میرے کچے نے اتھرو کچ دے موتی جیویں ہُندے
کیویں میں ہار ایہناں دے پروواں یارسول اللہ
Mere kache ne athru kach de moti jiwe hunde
Kiwe main haar ehnan de parowan ya Rasool Allah
بس ایہو آرزو میری تے ایہو التجا میری
تیرے دربار تے حاضر میں ہوواں یارسول اللہ
Bas eho arzu meri te eho iltija meri
Tere darbar te hazir main hovaan ya Rasool Allah
میرے عملاں دا دفتر کالیاں راتاں توں کالا اے
کویں ہنجواں دے پانی نال دھوواں یارسول اللہ
Mere amlan da daftar kaaliyan ratan toon kaala ae
Kive hanjwan de pani nal dhovan ya Rasool Allah
تڑف کے اتھرو اکھیاں چوں صائم باہر آجاندے
بتھیرا میں تے درداں نوں لکوواں یا رسول اللہ
Tarf ke athru akhiyaan cho saaim bahar ajande
Bathaira main te dardan nu lkovaan ya Rasool Allah
Share This Naat
Share with friends and family
میں بُوہے پلکاں دے اک پل نہ ڈھوواں یا رسول اللہ
علامہ صائم چشتی