جس کی منزل تو نہ ہو وہ راستہ کوئی نہیں
اول و آخر ہے تو تیرے سوا کوئی نہیں
Jis ki manzil to na ho woh rasta koi nahi
Awwal o aakhir hai tu teray siwa koi nahi
دل ہے تو احساس ہے تو آنکھ تو بینائی تو
تو دکھائی دے رہا ہے دیکھتا کوئی نہیں
Dil hai to ehsas hai tu aankh tu benaai tu
Tu dikhai de raha hai dekhta koi nahi
تو اجالا ہے میں یہ تو تو ہے بیداری میں خواب
تو حقیقی رب ہے تجھ سا دوسرا کوئی نہیں
Tu ujala hai mein ye tu tu hai bedari mein khwab
Tu haqiqi Rab hai tujh sa dosra koi nahi
دور بھی نزدیک بھی ٹھہراؤ بھی تحریک بھی
نام ہر شے پر لکھا ہے اور پتا کوئی نہیں
Door bhi nazdeek bhi thehrao bhi tehreek bhi
Naam har shai par likha hai aur pata koi nahi
رونقِ کون و مکاں تنہائی کا تیری ثبوت
نیتوں تک میں ہے تو تجھ سے چھپا کوئی نہیں
Ronaq-e-kaun o makaan tanhai ka teri saboot
Niyatun tak mein hai tu tujh se chhupa koi nahi
قرب تیرا بادشاہی تیری رحمت دھن ہی دھن
تو ہے کیا سب کچھ ہے مولا میں ہوں کیا کچھ بھی نہیں
Qurb tera badshahi teri rehmat dhan hi dhan
Tu hai kya sab kuch hai Maula mein hoon kya kuch bhi nahi
سن لیا کرتا ہوں تجھ کو میں سماعت کے بغیر
تیری چپ کے سامنے میری نوا کچھ بھی نہیں
Sun liya karta hoon tujh ko mein samaat ke baghair
Teri chup ke samne meri nawa kuch bhi nahi
Share This Naat
Share with friends and family
جس کی منزل تو نہ ہو وہ راستہ کوئی نہیں
مظفر وارثی