اذانوں کی طرح تحلیل ہو جاؤں مدینے میں
میں خود کو ڈھونڈنے نکلوں تو کھوجاؤں مدینے میں
Azanon ki tarah tahleel ho jaon Madine mein
Mein khud ko dhoondne nikloon to kho jaon Madine mein
فرشتے بھی جدا مجھ کو نہ کر پائیں مدینے سے
مدینہ اوڑھ کر میں آپ سوجاؤں مدینے سے
Farishtay bhi juda mujh ko na kar paye Madine se
Madina orh kar mein aap soo jaon Madine se
قیامت تک تر و تازہ رہے رنگ اور بُو جن کی
عقیدت کے میں ایسے پھول بو جاؤں مدینے میں
Qayamat tak tar o taza rahe rang aur boo jin ki
Aqeedat ke mein aise phool boo jaon Madine mein
میں شاخِ لا الٰہ کی نوک پر منصور کی صورت
حریمِ جسم کے ٹکڑے پرو جاؤں مدینے میں
Mein shaakh-e La Ilaha ki nok par Mansoor ki soorat
Hareem-e jism ke tukde paro jaon Madine mein
اگر ممکن نہیں میرے لیے کوہِ صفا ہونا
کسی دیوار کا سایہ میں ہو جاؤں مدینے میں
Agar mumkin nahi mere liye Koh-e Safa hona
Kisi deewar ka saaya mein ho jaon Madine mein
ابھی لینا ہے میں نے غُسل آبِ نور میں انجؔم
اتر جائے بدن سے دھول تو جاؤں مدینے میں
Abhi lena hai mein ne ghusl aab-e noor mein Anjum
Utar jaye badan se dhool to jaon Madine mein
Share This Naat
Share with friends and family
اذانوں کی طرح تحلیل ہو جاؤں مدینے میں
انجم نیازی